Аслида сенинг танангдаги оғриқни ҳис этиб унга тўғри ташхис қўйган, сени даволаган шифокорни яхши ёмонга ажратиб бўлмайди.
“НКМК жамғармаси” ДМ Учқудуқ ҳудудий бошқармасига қарашли
№ 2- сонли тиббий - санитария қисми шифокори Мақсуд Тошевнинг касбида бошқа ҳамкасбларидан кўра оғириқли нуқталари кўп. Унга онкологик касалликлар билан оғриган беморлар мурожаат этишади.
Кимдир даво истаб касалликнинг бошланғич нуқтасида тиббий кўрик учун келса, яна кимдир дардини ўтказиб келади. Ана шу дардига дармон истаб келган бемор ва уларнинг яқинларига ҳам шифо, ҳам илинж бериш шифокорнинг зиммасидаги биринчи галдаги вазифа.
Мазкур тиббиёт муассасасида ҳар куни юзлаб, Шимолий кон бошқармаси ва “НКМК жамғармаси” Учқудуқ ҳудудий бошқармаси, “Навоийуран” давлат корхонаси ишчи-ходимлари саломатлиги малакали шифокорлар назоратидан ўтади. Мақсуд ва унинг ҳамкасблари эса замонавий тиббиётдан доимо воқиф бўлиб туриши, тажрибасини сайқаллаб бориши зарур.
-Замон қай даражада ривожланмасин, янги-янги касалликлар бўй кўрсатаверади. Янги даволаш усуллари, янги турдаги дори-дармонлар жорий этилаверади. Ўқитувчи ўз фанини билмаганида ўқувчиси олдида қандай уялса биз ҳам касаллик билан курашиш йўлида шундай уятлимиз, масъулмиз, - дейди Мақсуд.
Асли Навбаҳор туманида туғилиб вояга етган Мақсуд Тошев 2008 йил Тошкент педиатрия институтини тамомлаб, Навоий кон-металлургия комбинатининг № 27- сонли тиббий - санитария бўлимининг тез ёрдам бўлимида фаолият юритган. Шундан кейин ҳам изланишдан тўхтамай, ўқиб-ўрганиб онколог-хирург мутахассислигига эга бўлди.
2011 йил эса уни ёш мутахассис сифатида № 2- сонли тиббий -санитария қисмига онколог врач сифатида ишга жўнатилди. Шифокорларнинг оддий касб эгалларидан фарқи шундаки улар интизом одами. Қасамёдига кўра, қаерга хизматга жўнатилса, ўша ерда бурчини бажаради. Мақсуд Тошев ҳам шундай.
Тиббий - санитария қисмидаги 32-кабинет энг қўрқинчи кабинет. Чунки унда онколог – врач деган ёзув бор. Аммо ана шу кабинетнинг эшигида доим навбат кутувчилар кўп бўлади. Бу ерга нафақат онколог кўриги учун балки Мақсуднинг билимига, тажрибасига ишонганлар турнақатор туради. Шифокор эса ҳар бир касалликнинг келиб чиқиши унинг даволаш сирларини ўрганади, изланади.
Унинг хонасидаги деворларда очиқ жойни топиш қийин. Халқаро ва республикада ўтказилган турли анжуманларда, ўқув курсларида олган сертификатлари қатор тизилган. Бирида отасини даволатиш учун Россияда олиб борганида: “Болам шу усулларни ҳам даволашга киритишинг керак экан”, деган оғриқ билан айтган сўзларини ерда қолдирмай мусофир юртда ҳам касал боқиб ҳам тажриба олганидаги сертификати...
Яна бири оталик меҳри билан қизининг давосиз дардига даво топиш учун кўзларида ёш билан умид қилиб ойлаб, Тошкентда касалхона ва олийгоҳ ўртасида югуриб олган сертификати...
Бу сертификатларга қараган Мақсуднинг доимо қалби йиғлайди... Чунки улар қўлида бўлганида отажониси ва эндигина 10 ёшни қаршилаган қизалоғи бу дунёни тарк этган. Аммо улар учун ўргангани бугун қайси фарзанднинг отасини, қайсидир армонсиз отанинг қизини ҳаётга қайтармоқда.
Шифокорликнинг энг ёмони шундаки, сен ўз яқинингда қандай дард ўтаётганини билиб турасан. У сени алдолмайди. Аммо сен уни алдаб яшайсан. Тананинг қаери зарар кўрса, жонинг ўша ерда бўларкан. Яшиям шифокорлар бор. Ҳам тили билан ҳам билими билан сени даволайди.
Айниқса, бошимиздан ўтқазганимиз пандемия шароитида тинчлигимиз посбонлари каби соғлигимиз посбонлари ҳам биз учун қанчалик қадрли эканлигини ҳис этдик.
Мақсуд Тошевнинг беморлари эса унинг ака-укаси, опа-синглисига айланиб бўлган. Чунки окологик касалликларда бемор ва шифокор биргалашиб курашсагина натижа бўлади. Мақсуд беморига, бемори Мақсудга ишонади. “Менда ўзгариш борми?”, “Мен тузаламанми?”, “Мен ўлмайманми?” бу саволларни у ҳар кун эшитади... шу учун Мақсуднинг уйида ҳам, ишхонасидаги столида ҳам онкологик касалликларга доир китоблар қаторлашиб туради. У ишлаган компьютер интернетидан энг кўп ахтарилган мавзулар ҳам шу бўлади.
Умр... Бу қисқагина йўл! Бу йўлда ҳар ким ҳар хил бекатда тушиб қолади. Аммо ҳамма фақат бир мақсад ортидан югуради: БАХТ ва СОҒЛИК! Мақсуд Тошев эса инсонлар дардига дармон бўлаётган ҳар бир кунига шукроналар айтиб, ҳар бир соғайган беморни мўъжиза, қувонч, бахт, деб билади.
Лайло КАРИМОВА,
ШКБ ахборот хизмати раҳбари.
Республикамизнинг барча туман ва шаҳарларида адлия бўлимлари таркибида юридик хизмат кўрсатиш марказлари фаолиятининг йўлга қўйилиши ўзининг ижобий самарасини бериб келмоқда. Бугунги кунда юридик хизмат кўрсатиш марказлари бир ёшга тўлди.
Бундан бир йил олдин давлат органлари ва ташкилотларига юридик хизмат кўрсатиш фаолиятини янада такомиллаштириш чора-тадбирлари тўғрисидаги ҳужжатга асосан, давлат органлари ва ташкилотларига сифатли ва малакали юридик хизмат кўрсатиш марказлари ташкил этилди.
Юридик хизмат кўрсатиладиган давлат идораларининг марказларга юбориладиган ҳужжатлар лойиҳаларини ҳуқуқий экспертизадан ўтказиш ва қабул қилиш жараёнларини электрон шаклга ўтказувчи “Э-ҳуқуқшунос” электрон тизими яратилди. Натижада иш юритуви тўлиқ рақамлаштирилди.
Жумладан, Учқудуқ туманида ҳам халқ таълими, мактабгача таълим, молия, маданият, тиббиёт бирлашмаси сингари яна бошқа ўнлаб давлат бюджетидан молиялаштириладиган ташкилотларда “Э-ҳуқуқшунос” электрон тизими орқали юридик хизмат кўрсатилиши йўлга қўйилди.
Туман юридик хизмат кўрсатиш марказига ҳозирга қадар 10 мингдан ортиқ меҳнат муносабатларига оид буйруқ, шартномалар, хўжалик муносабатларига оид ҳужжатлар ва ташкилотнинг бошқа турдаги идоравий ҳужжатлар лойиҳалари ҳуқуқий экспертизадан ўтказиш учун келиб тушган. Юридик тусдаги ҳужжатларнинг 70 фоизидан ортиқ қисмини ташкил этади.
Хулоса қилиб айтганда, жамиятимиз ҳар бир бўғинида қонунийликнинг таъминланиши ва бунинг учун етарли шарт-шароитларнинг яратилиши биз қураётган демократик давлатнинг асосий мезонларидан ҳисобланади. Шу маънода давлат органлари ва ташкилотлари фаолиятига ҳуқуқий жиҳатдан ёрдам бериш ҳамда уларга сифатли, профессионал юридик хизмат кўрсатиш сифатини ошириш мақсадида бир қатор чора-тадбирлар амалга ошириб келинмоқда.
Улуғбек ТЎРАЕВ,
туман адлия бўлими бошлиғи.
Учқудуқ туманида тиббиёт ходимлари куни муносабати билан муҳташам “Оқ сарой” тўйхонасида тантанали байрам тадбири бўлиб ўтди. Унда тиббиёт ходимлари, соғлиқни сақлаш соҳаси раҳбарлари, фахрийлар ҳамда кенг жамоатчилик вакиллари иштирок этдилар.
Мамлакатимизда аҳоли ўртасида соғлом турмуш тарзини мустаҳкам қарор топтириш, оналар ва болалар саломатлигини муҳофаза қилиш, ҳар бир фуқаронинг соғлиғини асраб-авайлаш, уларни малакали тиббий хизмат билан тўлиқ қамраб олишга катта эътибор қаратилмоқда. Бундай ишларда соғлиқни сақлаш соҳаси ходимларининг меҳнати беқиёс. Байрам тадбирида бу эътироф этилди.
Инсон саломатлигини асрашдек эзгу ва савобли ишга ўзини бағишлаган туман тиббиёт ходимларини байрам билан қутлаш учун сўз олган туман ҳокими Соли Хамроев тиббиёт соҳаси ва шифокорларнинг ҳаётимиздаги ўрни ва аҳамияти нақадар муҳим эканлигига алоҳида эътибор қаратди.
Туманимиздаги муҳташам “Оқ сарой” да тиббиёт ходимлари куни муносабати билан бўлиб ўтган тантанали байрам тадбирида ҳам давлатимизнинг тиббиёт ходимларига кўрсатилаётган улкан эътибори ва эҳтироми намоён бўлди.
Соҳада олиб борилаётган ислоҳотлар Учқудуқ туманида ҳам бўй кўрсатмоқда. Рақамларга мурожаат қиладиган бўлсак, биргина жорий йилда 1 млрд. 500 млн. сўм маблағ соғлиқни сақлаш соҳасига йўналтирилган бўлиб, март ойида 4 млрд. сўм маблағ эвазига Учқудуқ туман тиббиёт бирлашмасининг 80 ўринди стационар бўлимида капитал таъмирлаш ва қурилиш - реконструкция ишлари олиб борилди. Вилоят ҳокимлиги томонидан 100 млн. сўм маблағ аажратилиб, гемолитик анализатор ва мониторли микроскоп сингари лаборатория жиҳозлари сотиб олинди. 1 млрд. сўм маблағ эвазига “Бузайбай”, “Контай” овуллари ҳамда “Геолог”лар қўрғонида зарурий тиббий асбоб-ускуналар билан жиҳозланган тиббиёт контейнерлари барпо этилди. Тиббий бригадаларга глюкомер аппаратлари, электрон поликлиника учун 20 та замонавий компьютер ва YUPESS принтер харид қилинган. Яқин кунларда патанатомия бўлими фойдаланишга топширилади.
Шунингдек, олис овуллардаги оилавий шифокорлик пунктларида тиббий хизмат сифатини яхшилашга катта эътибор қаратилмоқда.
Ҳа, саломатлик инсон учун улуғ неъмат. Шу сабабли ҳам шифокорлик касблар ичра энг шарафлиси дея, эътироф этилади. Байрам муносабати билан ўтказилган туман тадбирида инсон ҳаётига дахлдор бўлган ўта маъсулиятли касбни зиммаси олган, бу йўлда фидойилик билан меҳнат қилиб келаётган ҳар бир тиббиёт ходими эъзозга муносиблиги хусусида сўз юритилди.
Бу йилги байрам Учқудуқ тумани тиббиёт ходимлари учун қувончли бўлди. Эътиборлиси, ҳурматли Президентимизнинг фармонлари билан Учқудуқ туман тиббиёт бирлашмаси кўп тармоқли поликлиникаси дерматовенеролог врачи Бўстонова Гулшода Аширалиевна II даражали «Саломатлик» ордени билан мукофотланган.
Соҳада амалга оширилаётган ислоҳотлар натижасида, эндиликда тиббий хизматнинг асосий вазифаси касалликларни даволаш эмас, балки уларнинг олдини олишга, аҳолининг саломатлик кўрсаткичларини яхшилашга, узоқ умр кўришига ҳисса қўшишга йўналтирилганлиги билан аҳамиятлидир.
Тадбирда инсон саломатлиги учун масъул, ҳаётимиз мазмунли ва бардавом бўлиши учун жон куйдираётган, ўзини қўйиб, бошқаларга ҳаёт бахшида қилишга қасам ичган ва фидойи 16 нафар тиббиёт ходимлари Учқудуқ туман ҳокимлиги томонидан муносиб рағбатлантирилди.
Бундан ташқари, “НКМК жамғармаси” ДМ Учқудуқ ҳудудий бошқармаси тасарруфидаги № 2 тиббий-санитария қисми болалар поликлиникаси мудири Шодиева Гулбаҳор Худайбердиевна "Ўзбекистон Республикаси соғлиқни сақлаш аьлочиси" кўкрак нишони, № 2 тиббий-санитария қисми врачи Ҳотамов Ёрқул Тешаевич III даражали “Кончилик шуҳрати” кўкрак нишони билан тақдирландилар.
Байрам тадбирида ижро этилган куй-қўшиқ ва рақслар даврага кўтаринки кайфият улашди.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ.
Учқудуқ туманида жорий йилнинг 21 май куни бўлиб ўтган табиий офат, яъни кучли шамол таъсирида Учқудуқ туман спорт мактаби биноси том қисмига кучли зарар етказилганлиги сабабли, 2022-2023-йил куз-қиш мавсумига тайёргарлик кўриш ва беталофат ўтказиш мақсадида Учқудуқ туман спорт мактаби том қисмини жорий таъмирлаш учун тез муддатда пудрат ишларини бажариш мақсадида пудратчилардан таклифлар кутамиз. Жорий таъмирлаш ишлари бошланғич нархи 159121030 сўмни ташкил этади.
Тракторчи-машинист гувоҳномаси янги намунадаги ID пластик карталарга мажбурий тартибда алмаштирилади
Ўзбекистон Республикаси Вазирлар Маҳкамасиинг 2019 йил 17 апрелдаги “Қишлоқ хўжалиги, мелиорация ва йўл-қурилиш техникаларидан фойдаланишни такомиллаштириш чора-тадбирлари тўғрисида”ги 325-сон қарорининг 2-бандига асосан 2020 йил 1 мартдан – 2020 йил 31 декабрга қадар эски намунадаги техник паспорт ва тракторчи-машинист гувоҳномаси, уларнинг берилган санасидан қатъий назар эгаларининг аризасига асосан алмаштирилиши;
2021 йил 1январдан – 2022 йил 31 декабрга қадар эски намунадаги техник паспорт, техник гувоҳнома ва тракторчи-машинист гувоҳномаси берилган санасидан қатъий назар мажбурий тартибда алмаштирилади.
Эски намунадаги техник паспорт ва техник гувоҳнома, давлат рақами белгилари, тракторчи-машинист гувоҳномаси 2023 йил 1 январдан бошлаб ҳақиқий эмас, деб ҳисобланади.
Қишлоқ хўжалиги, мелиорация ва йўл-қурилиш техникаларирингизга тегишли техник паспорт ва техник гувоҳномалариниҳамда тракторчи-машинист гувоҳномаларингизни пластик шаклга алмаштириш учун рўйхатга қўйилган жой бўйича Эски намунадаги ҳайдовчилик гувоҳномалари ва “техпаспорт” ларни янгиларига ўзгартириш учун "Узагроинспекция"нинг Навоий вилояти Учқудуқ туман бўлимига мурожаат қилишингиз мумкин.
"Узароинспекция"нинг Учқудуқ туман бўлими техника холатини назорат қилиш шўъбаси катта инспектори: Л.И.Кодиров.
Манзил: Учқудуқ туман "А.Темир" кўчаси 28-уй (туман Хокимлиги биноси)
Тел: +998 99 848-62-62
Бугунги кунда «Солиқчи-кўмакчи» тамойили асосида давлат солиқ хизмати органлари томонидан тадбиркорлар ҳузурига борган ҳолда уларнинг муаммоларини ўрганиб, ижобий ҳал этишга алоҳида эътибор қаратилмоқда.
Хусусан, 2022 йилнинг 10- ойи давомида Учқудуқ туманидаги 1046 та корхоналарнинг муаммолари батафсил ўрганилди. Натижада, солиқ хизмати органлари ходимлари кўмаги билан 383 та муаммолар ижобий ҳал этилди. Бугунги кунда бошқа ташкилотлар билан боғлиқ масалалар қатъий назоратга олиниб, ҳамкорликда ҳал этиш чоралари кўрилмоқда.
Шунингдек, ўрганишлар давомида солиқ турлари бўйича 136 та холат бўйича субектларнинг 63270000 сўм мавжуд ортиқча тўлов суммаси қайтариб берилди. 182- та холат бўйича субектларнинг 20373000 сўм мавжуд ортиқча тўлов суммаси хисобидан бошқа солиқ турлари бўйича қарздорлигига ўтказилиб сингдирилди.
Таъкидлаш ўринлики, бугунги кунда солиқ тўловчиларга қулайликлар яратиш мақсадида электрон хизматлар кўрсатиш кўламининг янада кенгайтирилаётгани муҳим омил бўлмоқда. Бугунги кунга қадар туманда «E-ижара» автоматлаштирилган дастурий маҳсулоти орқали 21 та шартномалар рўйхатга олинди. «E-актив» автоматлаштирилган дастурий маҳсулоти бўйича тушунтириш ишлари олиб борилмоқда.
Дарҳақиқат, Президентимиз таъкидлаганларидек, солиқ тўловчиларга ҳақиқий маънода кўмакчи, ўргатувчи бўлиш солиқ органларининг бош вазифасига айланмоқда.
Масалан, жорий этилган қатор солиқ имтиёзлари, солиқ юки ва турларининг камайтирилганлиги тўғрисида тадбиркорлар ўртасида олиб борилаётган тушунтириш-тарғибот ишлари натижасида 47 та норасмий иш ўринлари қонунийлаштирилди. Муҳими, фуқаролар муқим иш ўринларига эга бўлди.
Бугунги кунда қўлида ҳунари бор ёки уйда якка тартибда маълум фаолият билан шуғулланиб келаётган фуқароларимиз талайгина. Уларнинг ўзини ўзи банд қилиши, иш стажига эга бўлиши учун солиқ хизмати органлари томонидан доимий кўмак кўрсатиб келинмоқда. Жумладан, жорий йилнинг октябрь ойи якуни билан туманда 1520 нафар фуқаролар ўзини ўзи банд қилиш тизими орқали рўйхатдан ўтиб, муайян фаолият турлари билан мунтазам шуғулланиб келмоқда. Энг муҳими, уларнинг 227 нафарини 30 ёшгача бўлган ёшлар ташкил этади.
Ҳурматли солиқ тўловчилар! Биз солиқ хизмати органлари ходимлари сизларнинг муаммоларингиз қонуний ҳал этиш, фаолиятингиз давомида юзага келган барча тушунмовчиликларга ечим топишда доимий кўмак беришга тайёрмиз.
Ўзбекистонда янги ишга кираётган чет тили ўқитувчиларига B2 даражадаги сертификат талаби 2023/2024-ўқув йилидан киритилади. Бу ҳақда Халқ таълими вазирлиги хабар қилди.
Қайд этилишича, Вазирлар Маҳкамасининг 2021 йил 19 майдаги 312-сон қарорига асосан, 2022/2023-ўқув йилидан бошлаб давлат таълим муассасаларининг хорижий тиллар ўқитувчиси лавозимига ишга қабул қилинаётган номзодлар камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.
Мазкур қоиданинг амалиётга жорий этилиши оқибатида айрим ҳудудларда чет тили фани ўқитувчиларининг умумтаълим мактабларига ишга қабул қилинишида муаммолар юзага келиши ва ўқитувчиларнинг етишмовчилиги кузатилмоқда.
Кўплаб мурожаатларни инобатга олиб, шунингдек, мактабларда хорижий тилларни ўқитиш жараёни давомийлигини таъминлаш мақсадида ҳукумат томонидан B2 даражадаги миллий ёки халқаро сертификатга эга бўлмаган чети тили фани ўқитувчиларининг умумтаълим мактабларига ишга қабул қилинмаслиги хусусидаги талаб 2023/2024-ўқув йилидан кучга кириши юзасидан топшириқ берилган.
«Ҳурматли устозлар, олий ўқув юрти талабалари!
Мактабларда таълим сифати ва педагогларнинг билимига белгиланган талабларга тўлиқ жавоб бериш учун ўз устингизда ишлаш ва малакангизни ошириш чораларини кўришингизни сўраймиз. Мактаб таълими сифатини оширишда педагогларнинг малака ва кўникмалари юқори даражада бўлиши керак.
Эслатиб ўтамиз, 2024/2025-ўқув йилидан мактабдаги ҳар қандай чет тили фани ўқитувчиси B2 даражадаги сертификатга эга бўлиши талаб этилади. Ўз навбатида, С1 даражадаги халқаро сертификатга эга ўқитувчилар ҳам айни вақтда ойлик иш ҳақларини 50 фоизга ошириш имкониятига эга», — дейилади хабарда.
Бошқа ҳудудларда ерга нечта ниҳол қадасангиз бари бехато униб-ўсади. Учқудуқда ўнтадан биттаси кўкариб кетса ҳам катта гап. Хўш, ана шундай иқлими шиддатли об-ҳаво шароитида Учқудуқда узумзор барпо этиляпти, десак кўпчилик тумандошларимиз ҳайрон қолса керак. Лекин бу ҳақиқат!
Туман ҳокими С.Хамроев ташаббуси билан “Дўстлик” маҳалласи ҳудудида узумзор барпо этишга киришилган. Ўтган йил эрта баҳорда атрофи темир панжаралар билан ўралган бир гектар майдонда 300 туп узум ниҳоллари экилган. Уларнинг 202 донаси кўкариб, палак ёзган, туп қўйган. Куни-кеча яна 110 та турли хил навдаги узум кўчатлари қадалди.
-Шаҳар четидаги иссиқхонадан 40 машина тупроқ келтирилиб, экин майдонининг 2 метр юзаси алмаштирилди. Ловия, ошқовоқ экилиб, ҳосили болалар боғчаларига берилди. Галдаги муҳим вазифа экилган узум кўчатларини парваришлаб, қишдан беталофат олиб чиқиш. Агар шу қишдан омон чиқса, эрта баҳорда узумларимиз ҳосилга киради, - дейди “Дўстлик” МФЙ раиси Гулноз Махаматова.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ
Учқудуқ тумани ҳокими Хамроев Соли Фармонович билан аҳолини узлуксиз электр энергия билан таъминлашга қаратилган чора-тадбирлар тўғрисида ўтказилган брифинг
Ассалому алайкум ҳурматли брифинг ишчирокчилари!
Ижтимоий-тармоқ кузатувчилари!
Бугунги ҳаётимизни электр энергиясиз тасаввур этиб бўладими? Йўқ, албатта. Хонадонингизда бир зумгина электр чироғи ўчса борми, бутун умр зулматда қолгандек бўласиз, гўё.
Шу ҳолат ташкилот ёки ишлаб чиқариш корхоналарида содир бўлса-чи?! Бу қанчадан-қанча иқтисодий зарарни келтириб чиқаради.
Халқ хўжалиги тармоқларини, туманнинг олис овулларини электр энергияси билан узлуксиз таъминлаш йўлида меҳнат қилаётган Учқудуқ туман электр таъминоти участкаси ана шундай ўзларига юклатилган масъулиятни чуқур англаган ҳолда куз-қиш мавсумига пухта тайёргарлик кўришди.
Бугунги кунда туманда 11 254 та электр энергияси истеъмолчилари мавжуд бўлиб, шундан 10 628 таси жисмоний ва 626 таси юридик шахслар ҳисобланади. Ушбу истемолчиларга октябрь ойига қадар 27 млн. 660 минг кВ соат электр энергияси етказиб берилган. 14 млн. 980 минг кВ соат электр энергия жисмоний шахсларга, 12 млн. 650 минг кВ соати эса юридик шахсларга етказиб берилган.
Ўзбекистон Республикаси Президентининг 2022 йил 18 мартдаги “2022–2026 йилларда “Обод қишлоқ” ва “Обод маҳалла” давлат дастурларини амалга ошириш чора-тадбирлари тўғрисида”ги 172-сонли қарорига асосан, тумандаги “Айтим” маҳалласида 1 та трансформатор янгидан ўрнатилди, 3 таси жорий таъмирланди. 3,13 км. ҳаво электр узатиш тармоғи ва 0,5 км. юқори кучланишли ер ости электр линиялари янгиланди. 82 дона янги темир бетон таянч устунлари янгисига алмаштирилди.
“Навоий” маҳалласида 2 та трансформатор янгидан ўрнатилди, 3 таси эса жорий таъмирдан чиқарилди. 2,4 км. ҳаво электр узатиш тармоғлари ва 0,4 км. юқори кучланишли ер ости электр линиялари янгиланди. 42 дона устунлар янги темир - бетон таянч устунларига алмаштирилди.
Шунингдек, “Дўстлик” маҳалласи ҳудудидаги 320 кВ трансформатор ўрнига 400 кВ ли юқори кучланишли трансформатор ўрнатилди. 0,4 кВ ли паст кучланишли 0,21 км кабель электр узатиш тармоғи янгиланди.
Туманда янгидан ташкил этилаётган “Ёшлар кичик саноат ва тадбиркорлик зонаси” га 2 дона 400 кВ ли юқори кучланишли трансформатор ҳамда 24 дона темир - бетон таянч устунлари ўрнатилди. 4,32 км. ҳаво электр узатиш тармоқлари янгидан барпо этилди.
“Шалхар” ОФЙ га қарашли “Контай” овулида 23 дона темир - бетон таянч устунлари ўрнатилди. 1,4 км. ҳаво электр узатиш тармоқлари янгиланди. 1 дона қуввати 63 кВ ли янги трансформатор ўрнатилди.
2023 йилда аҳоли ва улгуржи истеъмолчиларни узлуксиз электр энергияси билан таъминлашга қаратилган амалий ишларни ҳам режалаштирганмиз.
Жумладан, “Дўстлик” маҳалласи ҳудудида 5 дона трансформатор пунктини капитал таъмирлаш, 2 км. 0,4 кВ ли кабел электр узатиш тармоғини жорий таъмирлаш;
“Мустақиллик маҳалласи ҳудудида 3 дона тарансформатор пунктини ҳамда 2 км. 6-10 кВ ли ҳаво электр узатиш тармоқларларини жорий таъмирдан чиқариш;
“Узунқудуқ” ОФЙ ҳудудидаги 4 км;
“Боздун” ОФЙ ҳудудида 2 км;
“Шалхар” ОФЙ ҳудудида 2,5 км;
“Кокпатас” МФЙ ҳудудида 2,5 км. 0,4 кВ ли электр узатиш тармоғи жорий таъмирланади.
“Узунқудуқ” ОФЙ га қарашли “Бузаубай” овулига борувчи 10 кВ ли ҳаво электр симларини янгисига алмаштириш, 35 дона таянч устунларини янгилаш, 1 дона янги трансформатор ўрнатиш кўзда тутилган.
Шунингдек, “Алтинтау” ОФЙ га қарашли “Балтай” ва “Боранбай” овулларга борувчи 10 кВ ли ҳаво электр узатиш тармоқларнинг 32 дона таянч устунларини янгилаш ҳам режага киритилган.
Айни пайтда соҳа ходимлари олдида 2022-2023 йилги куз қиш мавсумида ижтимоий соҳа объектлари, аҳоли истеъмолчилари ва ишлаб чиқариш корхоналарини кафолатли электр энергияси билан таъминлашдек масъулиятли вазифа турибди.
Юқорида таъкидланганидек, олдиндан белгилаб олинган аниқ чора - тадбирлар асосида иш юритаётганлиги боис мавсумни кўнгилдагидек беталофат ўтказиш имконияти етарли.
Эътиборингиз учун рахмат!!!
Коррупция бу – мансаб мавқеидан шахсий мақсадларда фойдаланиш билан боғлиқ бўлган жиноят тури ҳисобланади. Коррупция фаолияти хуфёна иқтисодиётнинг асосий турларидан биридир. Аксарият ҳолларда коррупция деганда, давлат хизматчилари томонидан шахсий манфаатларни кўзлаб бойлик орттириш мақсадида халқдан пора олиш, қонунга хилоф равишда пул даромадларини қўлга киритиш тушунилади.
Этимологик жиҳатдан “коррупция” атамаси “бузиш, пора эвазига оғдириш” деган маънони англатадиган лотинча “corruptio” сўзидан келиб чиққан. Коррупция фуқаронинг давлат вакили билан маъмурий муносабатлари маъно-моҳиятини ўзгартиради ва жамият учун ҳам, давлат учун ҳам салбий оқибатларни келтириб чиқаради. Коррупция – давлат органлари ходимлари моддий ёки мулкий йўсинда ғайриқонуний шахсий наф кўриш мақсадида ўз хизмат мавқеидан фойдаланишида ифодаланадиган ижтимоий ҳодисадир.
Давлатимиз раҳбарининг таъбири билан айтганда, биз давлатнинг назорат функцияларини қанча кучайтирсак, назорат билан шуғулланувчи давлат тузилмалари ва органларини қанча кўпайтирсак, амалдорларнинг зўравонлиги ва коррупция шунча авж олаверади.
Бугунги кунда пенсия таъминоти соҳасида ҳам коррупцияга қарши муросасиз курашиш бўйича чора-тадбирлар белгиланиб келинмоқда. Бунга мисол қилиб охирги йилларда соҳага оид қабул қилинаётган концептуал амалиётга эга норматив-ҳуқуқий ҳужжатларни алоҳида таъкидлаб ўтиш зарур.
Президентимиз томонидан коррупция масаласига алоҳида эътибор қаратилиб, жамиятни “ҳалоллик вакцинаси билан эмлаш” зарурияти хақидаги фиклари бу борада айтилган энг тўғри фикр, деб тан олинганлигини эътироф этишимиз лозим.
Молия вазирлиги ҳузуридаги бюджетдан ташқари Пенсия жамғармаси тизимида коррупцияга қарши курашиш билан боғлиқ фаолият самарадорлигини ошириш мақсадида комплекс чора-тадбирлар амалга ошириб келинмоқда.
Айнан шу вазифаларнинг амалга оширилишида ўз олдимизга коррупциявий хавф-ҳаракатларга кўмаклашувчи сабаб ва шарт-шароитларни бартараф этиш учун аниқ вазифаларни белгилаб олганмиз. Тизимда жорий йил 20 октябридан 20 ноябрига қадар “Коррупцияга қарши курашиш ойлиги” эълон қилиниб, бу бўйича амалга оширилиши лозим бўлган чора-тадбирлар белгилаб олинган.
Ҳар бир ходим амалдаги қонун ҳужжатлари мазмун- моҳиятини билмас экан, коррупцияга қарши курашишни ҳам билмаслиги аниқ. Шунингдек, коррупцияга оид ҳуқуқбузарликлар учун жавобгарлик муқаррарлиги юзасидан ҳар бир ходим билан алоҳида суҳбат олиб бориш, бўлимга ташриф буюраётган фуқаролар билан этика, одоб-ахлоқ қоидаларига риоя қилан ҳолда муомалада бўлиш, ҳар бир туманда ҳуқуқни муҳофаза қилиш бўлими ва диний идоралар ходимлари билан бирга семинар-тренинглар ташкил этиш, ҳудудий бошқармалар томонидан барча туман Пенсия жамғармаларида “Сирли мурожаатчи” тадбирларини ташкил қилиш каби вазифалар белгилаб олинди.
Хулоса қилиб айтадиган бўлсак, тизимда коррупцияга қарши қанчалик қаттиқ чора ва тадбирлар кўрилишига қарамай, жорий йилда ҳам соҳа вакиллари орасида шу каби нохуш ҳолатлар кузатилгани сир эмас. Мақсадимиз ушбу иллатга қарши кураш олиб боришни янада кучайтириш, барча ходимларга коррупция ҳалокатга етакловчи йўл эканлигини, ҳар бир ходим бу ишга қўл уришидан олдин оиласи, фарзандларини кўз олдига келтирмоғи кераклигини тушунтиришдан иборат. Зеро, бундай ишлар унинг барча яқинларига салбий таъсир этиши билан бирга, у фаолият юритаётган бўлимда ҳалол, пок ишлаб келаётган ҳамкасбларининг ҳам тинчини бузиб, ҳаловати йўқолишига сабаб бўлади.
More...
Аҳолининг уй-жой шароитини яхшилаш, ҳудудларда замонавий шаҳарсозлик талаблари асосида кўп қаватли уй-жойлар, ижтимоий соҳа ва инфратузилма объектлари ҳамда муҳандислик-коммуникация тармоқлари қурилишини жадаллаштириш мақсадида амалга оширилаётган ишлар Учқудуқ туманида ҳам қизғин давом эттирилмоқда.
Давлатимиз раҳбарининг 2021 йил 11 мартдаги “Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги фармони асосида туманимизда 2022-2024 йилларда бир неча йўналишларда амалга оширилиши лозим бўлган вазифалар белгилаб олинган.
Бунда жорий йилда 140 та хонадонга мўлжалланган 3 та беш қаватли уйлар қурилиб, ўз эгаларига топширилганлигига эътиборингизни қаратмоқчиман. 2023-2024 йилларда яна 28 та кўп қаватли уйлар қурилиб, фойдаланишга топширилади. Натижада Учқудуқ туманида аҳолининг уй-жойга бўлган эҳтиёжи тўлиқ таъминланади.
Бугунги кунда уй-жойлар қурилишининг бориши қурилиш соҳасида назорат инспекцияси томонидан назоратга олинган. Шу кеча-кундузда 28 та кўп қаватли уйлар қурилиш соҳасида ҳудудий назорат инспекцияларидан рўйхатдан ўтказилиб, қурилиш-монтаж ишлари режа-график асосида олиб борилмоқда.
Жумладан, “GARANT-UCHQUDUQ” МЧЖ томонидан 1 та тўққиз қаватли 180 хонадонли, “GRAND SHARQONA” ХК томонидан 5 та беш қаватли 150 хонадонли, “ISHONCH FERUZ” ХК томонидан 6 та беш қаватли 340 хонадонли, “AYGERIM ALMAGUL” XK томонидан 3 та беш қаватли 225 хонадонли, “UCHQUDUQ GRANT SERVIS” МЧЖ томонидан 1 та уч қаватли 40 хонадонли, “JAVOXIR TARAQIYOTI” МЧЖ томонидан 4 та беш қаватли 300 хонадонли, “UCHQUDUQ ULGURJI” МЧЖ томонидан 5 та беш қаватли 295 хонадонли, “Мироншох сити зар” МЧЖ томонидан 2 та беш қаватли 120 хонадонли, “Навоий сантехника монтаж” МЧЖ томонидан 2 та беш қаватли 120 хонадонли уйларнинг қурилиши жадал суръатларда давом эттирилмоқда.
Йил охиригача яна 170 та хонадонли 2 та беш қаватли уйларнинг қурилиши якунланиб, фойдаланишга топшириш учун тайёргалик кўрилмоқда.
Халқимизда, уйи борнинг ўйи бўлмайди, деган ҳикматли сўз бор! Буни айниқса, ўз уй-жойига эга бўлмаган, йиллар давомида шу орзу билан яшаган одамлар учун қанчалик бебаҳо сўз эканлигини уларчалик биз ҳис эта олмаймиз.
Албатта, буларнинг бари ҳурматли Президентимизнинг аҳолини уй-жой билан таъминлаш борасидаги ислоҳотлари Учқудуқ туманида ҳам изчил давом эттирилаётганлиги, туман раҳбарларининг бу ишга катта масъулият билан ёндашаётганлиги замирида ҳар бир учқудуқликни ана шундай бахтли-саодатли кўриш, истаги мужассам!.
Отабек РАМАЗАНОВ,
туман ҳокими ўринбосари.
Ёзда Учқудуқ қумига тухум кўмсангиз пишади. Буни синаб кўрганмиз. Фақат ёзда бу ерга келсангиз бу гапга ишонасиз. Учқудуқнинг қиши ҳам шундай аёвсиз.
Шунга қарамай бир пайтлар йўлсиз йўлда уч кунлаб йўл босиб, Учқудуқ томон йўл очган биринчи ҳайдовчилар жасорати доимо эсланади, қадрланади. Уларнинг сафларида меҳнат қилиш Иноят ака Эшмуродовга ҳам насиб этган.
У 1966 йилда Қизилтепа туманида туғилган. Ўқитувчилар оиласида икки ўғилнинг кенжаси бўлиб вояга етган Иноят ака ёшлигидан техникага меҳр қўйди. Мактабда яхши ўқиди. Йигитлик бурчини тугатиб келгандан сўнг, 1986 йилда Учқудуқдаги саноат техникумига ўқишга кирди.
1990 йилда техникумни тамомлаб, Шимолий кон бошқармаси 1-сонли Автобазасида ҳайдовчи бўлиб ишлай бошлади. Унинг босиб ўтган меҳнат йўлига назар солсангиз, 1998-2004 йилларда 2-колонна, 2004 йилдан эксплуатация бўлими, 2010 йилдан 4-сонли участка бошлиғи лавозимларида ишлаган.
Ҳозирда назорат - техник пунктида катта уста вазифасида фаолият олиб бораётган Иноят ака Эшмуродов ҳайдовчилик касби ҳам машаққатли, ҳам шарафли касблардан эканлиги, инсон танлаган касбига қизиқса, меҳр қўйса, қийинчиликлардан чўчимасагина ўз соҳасида ютуқларга эришишини таъкидлайди.
Ишдан бўш вақтларида уйда ҳам турмуш ўртоғи Шарқий кони ходими Маҳбуба Ярашова билан оила тинчлиги, мустаҳкамлиги, фарзандлар бахту камолини кўзлаб яшаётган Иноят ака Эшмуродов маҳаллада обрў-эътиборли кишилардан. 33 йилдан буён бахтли-саодатли ҳаёт кечириб келинаётган бу оилада уч нафар ўғил-қиз вояга етган.
Бугун фарзандлар набиралар қуршовида файзли умр гаштини суриб яшаётган Иноят Хўжамовичга ҳаёт йўлида ва кейинги фаолиятларида зафарлар тилаймиз.
Дилноза ТОШНИЁЗОВА
От редакции: Учкудук является многонациональным городом. Здесь проживают представители разных народов в дружбе и согласии. В нашу редакцию обратилась гость из России Нурия Иксанова, которая направлена на работу в школу №10 г. Учкудук в рамках проекта «Зур класс» международного центра образования «Интердом» имени Е.Д. Стасовой. Она выступила с предложением печатать статьи на русском языке. Наша редакция всегда рада новым идеям и мы с удовольствием решили сотрудничать. В первой статье мы познакомимся с инициатором проекта и ее командой.
Иксанова Нурия Сагитовна родилась в республике Башкортостан, которая находится в составе России. По национальности она башкирка, по религии – мусульманка. Она член журналистов Российской Федерации, имеет благодарность губернатора Челябинской области и главы Республики Башкортостан. Автор газеты, телевидения «Уралым», радиопередачи «Башкиры России» (радиопередача выходила на радио «Юлдаш» республики Башкортостан), куратор проекта «Зов предков» дома дружбы народов РБ; автор проекта «Шаяр» – пространство башкирского юмора в Челябинской области, соавтор проекта «Медиа-йыйын» Союза журналистов Республики Башкортостан, автор проекта «Этнический код Бородино», посвященный реконструкции орудий башкирских воинов 1812 года, автор проектов «Цикл курсов башкирского языка «Хозяйка медной горы в гостях у башкир», «Ассоциация уральского фольклора», фестиваля «Башкирская песня», конкурса-эссе «Весть о Башкортостане», литературного конкурса «Золотое слово», просветительской акции «По следам Расулева», «Спорт для жизни». Данные проекты реализуются в 7 регионах России.
Также Нурия Иксанова владеет турецким языком. Выступила на турецком телевидении в 2020 году, вела курсы турецкого языка в Челябинской области.
Нурия Сагитовна активно ведет общественную жизнь в России: руководитель регионального сектора молодежного комитета всемирного курултая башкир, активист федеральной автономии башкир, активист госсобрания курултай республики Башкортостан (руководитель сектора СМИ при молодежном совете). Организовала первую межрегиональную конференцию «Башкиры России» в 2021 г., круглый стол «След Салавата Юлаева в регионах РФ», «Образование в Башкортостане для жителей регионов». Лауреат конкурса «Женщина – мать нации» в номинации «Молодой лидер», организованный союзом женщин Башкортостана (2019 г.); есть медаль «Помним, чтим, гордимся» от Совета старейшин башкир Челябинской области за помощь в возведении памятника воинам, участвующим в Отечественной войне 1812 года и Заграничных походах русской армии 1813-14 гг.(памятник находится в Челябинске, рядом с Правительством области); информационный партнер Всероссийского детско-юношеского военно-патриотического общественного движения «Юнармия»; вошла в юбилейный сборник единственного издания Башкортостана о женщинах «Дочь Башкортостана» и в многотомник «История башкирских родов «Кипчак»; лауреат I степени Международного конкурса журналистских работ «Золотой курай».
Активно сотрудничает с бизнесом: участвовала в создании брендов: «Башкирские шоколадки «Курай»; «Линейка авторских башкирских украшений «Хомай» от златоустовского мастера; башкирской юрты-питомника «Самрау».
Является директором фонда «Инициативы и креатив», учрежденного меценатом из Челябинской области Рустамом Галимжановым. Фонд занимается благотворительностью. Недавно от имени фонда при содействии директора школы №10 Шахло Бафоевой был разработан проект с участием лидера Челябинской областной общественной организации узбекский национальный культурный центр «Бобур» Мамуржана Кадирова.
Директор школы №10 г. Учкудук Шахло Бафоева:
– Мы рады, что наша школа является причастным в добром и новом начинании. Приятно принимать участие в проекте, который охватывает не только целый город, но и будет налаживать сотрудничество между Республикой Узбекистан и Российской Федерацией. Приятно осознавать, что о нашем коллективе, учениках будут знать весь город.
Gepatitning A turi. Xo`sh bu qanday xastalik? Qayerdan yuqishi mumkin va asoratlari qanaqa?
BIZDA QAYSI TURI KO`PROQ UCHRAYDI?
—Virusli gepatit A (xalq orasida-sarq) kasalligi– bu o`tkir yuqumli jigar kasalligi hisoblanib, qo`zg`atuvchisi gepatit A kasalligi virusi hisoblanadi. Har yili o`n millionga yaqin odam ushbu kasallikka chalinadi. O`zbekiston Respublikasida virusli gepatitlarning A, V, S turlari ko`proq uchraydi. Maktabgacha yoshda bo`lgan bolalar va kichik maktab yoshidagi bolalar boshqalarga nisbatan ko`proq kasallanadi.
VIRUSNING YUQISHI...
— Inkubasion davri, yani virusning organizmga tushishi va kasallikning ilk belgilari paydo bo`lishi 15 kundan 50 kungacha bo`lgan davrni o`z ichiga oladi. Kasallikning yuqish yo`li alimentar yo`l bilan–virus bilan zararlangan oziq-ovqat maxsulotlari, suv, o`yinchoqlar va iflos qo`l orqali yuqadi. Virus tashqi muxitga chidamli 60°C haroratgacha bo`lgan chuchuk va sho`r suvda bir necha oylab saqlanishi mumkin.
XASTALIK ALOMATLARI
—Gepatit A kasalligi jigar to`qimalarini yallig`lanish va nekrozli o`zgarishlarga va intoksikasiya(zaxarlanish) sindromlarini paydo bo`lishiga, jigar va taloqni kattalashishi, jigar faoliyatining klinik va laborator buzilishlari, sariqlik belgilarining paydo bo`lishi, siydik rangini to`q rangga kirishi va axlatni rangsizlanishi bilan xarakterlanadi.Klinikasida quyidagi simptomlar namoyon bo`ladi: xolsizlik va darmonsizlik, ishtaxa yo`qolishi, ko`ngil aynish va qayt qilish, mushaklarda og`riq. Yashash va ish joylarining sanitariya jixatdan qoniqarsiz xolatda bo`lishi, shaxsiy gigiena qoidalariga rioya qilmaslik, axolining zichligi, oziq-ovqat maxsulotlarini tayyorlash qoidalarini buzilishi, sifatsiz ichimlik suvidan foydalanish viruslarning ko`payishiga sharoit yaratadi.
VIRUSLI GEPATIT “A”NING KECHISHI VA ASORATLARI
Virusli gepatit “A”ning kechishi 3 xil jarayonda o’tishi mu’mkin;
Yengil shakli.
O’rtacha og’ir shakli.
Og’ir va fulminant shakllari-intoksikatsiya rivojlangan, juda og’ir kechishi, jigar yetishmovchiligiga olib keladi bazan o’lim holati uchraydi.
VIRUSLI GEPATITDAN HIMOYALANISHNING 6 MUHIM QOIDASI:
• Sog`lom turmush tarziga rioya qilish;
• Shaxsiy gigiena qoidalariga rioya qilish, ovqat tayyorlash va ovqatlanishdan oldin, jamoat joylariga va xojatxonaga borgandan so`ng qo`lni yaxshilab sovunli suvda yuvish;
• Oziq-ovqat maxsulotlarini tayyorlash va saqlash jarayonlarida sanitar-epidemiologik qoidalarga rioya qilish;
• Meva va sabzavotlarni iste`mol qilishdan oldin oqar suvda yaxshilab yuvish va so`ngra qaynagan suvda yuvish;
• Yashash joy gigienasiga rioya qilish: xonalarni shamollatish va namli tozalov ishlarini olib borish;
• Gepatit A virusiga qarshi emlash.
YODDA TUTING!
Profilaktik qoidalar kundalik turmush tarzingizga aylanishi kerak.
Virusli gepatit A kasalligiga eng samarali usul bu virusli gepatit A kasalligiga qarshi emlashdir!!!
Uchquduq tuman SEO va JS bo’lim epidemiolog vrachi G’iyosjon Aktamov
