“Қишлоқ хўжалиги ва Дехқон хўжалиги ерларини ижарага бериш бўйича аукционлар ўтказиш тартибига ўзгартиришлар: янги қоидалар ва фермерларни рағбатлантириш”

       Ўзбекистон Республикаси Президентининг 2025-йил 28-мартдаги ПҚ-131-сон қарори билан қишлоқ хўжалиги ерларини ижарага бериш ва аукцион савдоларни ўтказиш тартибига муҳим ўзгартиришлар киритилди. Ўзгартиришлар ердан фойдаланиш самарадорлигини ошириш, қишлоқ хўжалиги ишлаб чиқаришини рағбатлантириш ва фермерлар учун шароитларни яхшилашга қаратилган. Қуйида киритилган ўзгаришларнинг тафсилотлари келтирилган:

1. Лотларни эълонда туриш вақтини аукцион ўтказиш муддатларини қисқартириш

хабарномани эълон қилиш муддати биринчи марта савдога чиқарилган лотлар учун 15 кундан 5 кунга, такрорий аукционлар учун эса 5 кундан 1 кунга қисқартирилди. Бу аукцион жараёнини тезлаштиради, бу эса ерни тезроқ ижарага олиш имконини беради.

бошланғич баҳосини пасайтириш : агар такрорий ауксион савдосида қатнашиш учун фақат битта иштирокчи ариза топширса, унга ер участкасини ушбу аукцион савдосида эълон қилинган нархда сотиб олиш таклиф этилади. Ҳар бир такрорий аукцион савдосида лот нархи бошланғич баҳонинг 20 фоизигача босқичма-босқич 10 фоиздан пасайтирилади.

2.  Тўловларни бўлиб-бўлиб тўлашни бекор қилиш:

      2025 йил 1 апрелдан бошлаб барча ҳудудларда қишлоқ хўжалигига мўлжалланган барча турдаги ерларни ижарага бериш ҳуқуқини бўлиб-бўлиб тўлаш ва тўлов тўлиқ тўланганда чегирма бериш тартиби бекор қилинди. Энди ижарачилар 15 иш куни ичида тўлиқ ижара ҳақини тўлашлари шарт. Ушбу ўзгариш янада самарали пул оқимини таъминлаш ва ижарага олувчиларнинг қарздорлигини камайтиришга қаратилган.

3. Аукционга қўйиладиган ер майдонни кўпайтириш:

     2025-2026-йилларда Қорақалпоғистон Республикаси ва вилоятлар ҳудулари доирасида қишлоқ хўжалигига мўлжалланган ерларнинг аукционга қўйишда умумий майдонининг 10-20 фоизини чорва учун озуқа экинларини экиш шарти билан савдога чиқарилиши белгиланди. Бу майдонлар чорвачилик учун ем-хашак экинларини экиш учун мўлжалланган бўлиб, чорвачиликни ривожлантиришга хизмат қилади.

4. Ерни қайта ижарага бериш:

Ер ижараси бўйича тўловлар бўйича қарздор бўлган ижарачиларга ер участкасига бўлган ҳуқуқларини бошқа шахсга қайта ижарага бериш имконияти берилади:

туман ҳокими, ижарачи ва янги ижарачини ўз ичига олган уч томонлама шартнома тузиш орқали қайта ижарга бериши мумкин .

2022 йил 1 январдан 2023 йил 15 апрелга қадар ўтказилган очиқ электрон танловларда ғолиб бўлган “Темир дафтар”, “Аёллар дафтарлари”, “Ёшлар дафтарлари”га киритилган фуқаролар ва меҳнат мигрантлари учун қўшимча тўловлар миқдори ушбу ер участкаси норматив қийматининг бир баробарига шунингдек, бошқа шахслар учун норматив қийматининг тўрт баробарига қўшимча тўловларни амалга ошириш шартлар белгиланди.

5. Фермер хўжаликлари учун имтиёзлар:

   2025-йилда юқори ҳосил (гектарига 50 центнердан ортиқ пахта ва 80 центнердан ортиқ ғалла) кўрсатган фермерларга ижарага олинган ер майдонининг 25 фоизидан бошқа экинлар, яъни картошка, сабзавот, полиз ва чорвачилик учун ем-хашак экинларини экиш учун фойдаланиши кафолатланган. Бу фермерларybyu Ўзбекистон Фермерлар кенгашига аъзолик бадаллари ва ер солиғи бўйича пасайтирилган коэффициентлар ҳам олиш ҳуқуқига эга .

6. Инвестиция фаолиятини рағбатлантириш:

Қарорда қишлоқ хўжалиги кооперативларига аъзо бўлган фермер хўжаликларига 50 фоизидан ошмаган қисмига пахта етиштириш учун имтиёзли кредитлар ажратиш ҳам назарда тутилган. Кредитлар 50 фоизлик мол-мулк гаров эвазига(хусусан, ерга ижара ҳуқуқи гаров) эвазига берилиши мумкин ва  ушбу кредит пахта хомашёсининг эълон қилинган бошланғич нархидан келиб чиқиб ажратилади.

Хулоса

Ауксион савдоларини ўтказиш тартибига киритилган ўзгартиришлар қишлоқ хўжалиги ерларини ижарага бериш жараёнини такомиллаштириш, ем-хашак экинлари экиш учун ерлардан фойдаланишни рағбатлантириш ва чорвачиликни ривожлантиришга қаратилган. Мазкур ўзгаришлар ер майдонларининг янада адолатли тақсимланишини таъминлаш, қишлоқ хўжалигининг инвестицион жозибадорлигини ошириш ва фермерларнинг меҳнат шароитларини яхшилаш, шу билан бирга, мамлакатимизда аграр секторнинг барқарор ривожланишига кўмаклашади.

“Электрон онлайн аукционларни ташкил этиш”

АЖ Навоий вилояти вакили бош мутахассис М.Журумбаев

          Hozirgi kunda prezidentimiz tashabbuslari bilan yoshlarning xorijiy

tillarni bilish darajasini oshirish maqsadida ko‘plab tashabbus va islohotlar olib

borilmoqda va ayni damda katta e’tibor chet tillarni o‘rganishga qaratilgani ham bejiz emas. Ma’lumki, boshqa tillar qatorida ingliz tilini o‘rganishga bo‘lgan talab ham kun sayin ortib bormoqda. Bu dunyoda qayerga bormaylik ingliz tili allaqachon barcha uchun ommaviy tilga aylanib ulgurganligiga shubha qilmaymiz. Ingliz tili jamiyatda odamlar uchun katta rol o‘ynaydi. Ushbu til o‘z ona tilisi bo‘lmagan odamlar uchun o‘rganish jarayonida qiyinchilik tug‘dirishi amri mahol. Jamiyatda inson o‘z o‘rnini topishlari uchun ingliz tilini o‘rganishlari, tushunishlari va ravon gapira olishlari kerak.

       Turli tillarda gaplashadigan boshqa mintaqalarga mansub odamlar bilan muloqot qilish va fikr almashish jarayonida ingliz tili muloqot qilishning umumiy tili sifatida qo‘llanila oladi. Biroq ingliz tili grammatikasi murakkab va qiyin va shu bilan birga o‘zbek tili grammatikasi bilan farq qiluvchi strukturaga egaligi tufayli o‘rganish jarayonida ko‘plab muammolarni yuzaga keltirib chiqarmoqda. O‘quvchilar grammatikani, ayniqsa, so‘zlashuv jarayonida qiyin deb topishlari mumkin va bu oqibatda noto‘g‘ri xabar yetkazilishiga olib kelishi mumkin. Ingliz tili grammatika qoidalari aniq emas va juda ko‘p istisnolarga ega. Natijada, ularni yodlash qiyin va qo‘llash yanada qiyinroq. Ingliz tilini o‘rganishda quyidagi muammolarga duch kelinadi:

1. Murakkab grammatika. Talabalar uchun ingliz tili grammatikasini o‘rganish

juda qiyin. Ingliz tilida so‘zlashda talabalar asosan grammatik xatolarga yo‘l qo‘yishadi. Odatda, o‘quvchilar ingliz tilida so‘zlashda zamon, nisbat, so‘z boyligida xatolarga yo‘l qo‘yadilar. Gap tuzish jarayonida ko‘pincha til o‘rganuvchilar zamonni farqlashda qiynalishadi va noto‘g‘ri ishlatadilar, ya’ni ba’zan ular o‘tgan zamonda gapirmoqchi bo‘lishsa, o‘tgan zamon o‘rniga hozirgi zamonda gapirishadi. Muammo ular o‘tgan, hozirgi va kelasi zamonlarni qanday ishlatishni osongina farqlay olmasligidadir.

2. Auditoriyada ona tilidan ortiqcha foydalanish. O‘rganuvchilar undan

foydalanishga majbur bo‘lganlaridagina boshqa tilni yaxshi o‘rganadilar. O‘qituvchi talabalar o‘rganilayotgan tilda muloqot qilishlarini talab qilishi kerak. Ana shu holatdagina til o‘rganishda o‘sish, talaffuzda ravonlik kabi yutuqlarga erishish darajasi oshadi. Dars jarayonida qat’iyat bilan talab qilinsa va cheklovlar yo‘lga qo‘yilsagina chet tilini o‘zlashtirish muvaffaqiyatli amalga oshadi.

3.O‘ziga bo‘lgan ishonchsizlik.

Odatda, o‘qituvchilar ularni sinfda yoki odamlar oldida ingliz tilida gapirishga

undashmaydi. Ular ingliz tilini o‘rganishadi, lekin so‘zlashishni yetarlicha

o‘rganishmaydi. Bu asosan talabalar sinfda yoki odamlar oldida duch keladigan

muammolardan biridir. O‘ziga bo‘lgan ishonch ingliz tilida gapirishda juda muhim rol o‘ynaydi, agar talabalar o‘zlariga ishonmasa, ingliz tilida erkin gapira olishmaydi. O‘quvchilarning o‘ziga bo‘lgan ishonchi butunlay o‘qituvchilarga bog‘liq.

     O‘qituvchilar ularni o‘zlariga ishonishga va jamoat oldida ingliz tilida gapirishga ishonch hosil qilishga undashlari kerak. Agar o‘quvchilar nutqda xato qilishdan tashvishlansa, o‘qituvchilar ularga hech kim mukammal tug‘ilmasligini, har kim o‘z  xatolaridan saboq olishini o‘rgatishi kerak. O‘quvchilar noto‘g‘ri gapirsalar ham, gapirishda davom etishlari kerak. Chunki ular xatolaridan saboq olishadi va xatolarini qayta-qayta gapirishda tuzatadilar. Shuning uchun ingliz tilida gapirishda o‘ziga ishonch juda muhimdir.

3. Tarjima. Bilamizki, til o‘rganish jarayonida notanish bo‘lgan so‘zlarning

tarjimasini lug‘atlardan qidiramiz va gap tuzishda turli xil tarjimon botlarga va

ilovalarga murojaat qilinadi. Ammo bu har doim ham kutganimizdek natija

beravermaydi. Misol qilib aytadigan bo‘lsak, idiomatik ifodalarni yoki frazalarni

tarjima qilish jarayonida tarjima muammolari paydo bo‘lishi mumkin. Idiomalarni

tarjima qilish qiyin, chunki idiomani so‘zma-so‘z tarjima qilib bo‘lmaydi. Tarjimon butun ma’noni tarjima qilishdan oldin tushunishi kerak. Ba’zi idiomalar tarjima qilingani kabi ma’noga ega emas bo‘lishi mumkin yoki ularni hamma gapda,nutqda ham ishlatib bo‘lmasligi mumkin. Hattoki, o‘sha tilning “native speaker” lari ham bu muammoga duch keladilar. Shunday ekan, boshqa muammolar singari idioma va frazalarning noto‘g‘ri tarjimasi so‘zlashuv sifatiga putur yetkazishi mumkin.

4. Bitta yoki bir nechta a’lochi o‘quvchining doimiy ustunlik qilishi. Ba’zan

boshqalarga nisbatan bilimliroq bo‘lgan o‘quvchilarga darsda yaxshi baholar, ma’lum darajada ko‘proq rag‘batlantirishlar berilsa ham, ularga nisbatan sustroq

o‘zlashtirayotgan yoki darsga to‘liq qatnashmayotgan o‘quvchilarni butunlay unutib qo‘ymaslik kerak. Ularni boshqalarga nisbatan ko‘proq ruhlantirib, darsda faol qatnashishlariga imkon yaratib berish kerak.

5. Tashvish. Bu emotsionalniy holat bo‘lib, til o‘rganish jarayonining uch

bosqichida sodir bo‘lishi mumkin va har bir bosqichda tashvish o‘rganishga salbiy

ta’sir ko‘rsatishi mumkin. Dastlabki bosqichida o‘quvchilar notanish til yoki

tushunchalarni tushunishda qiynalayotgani uchun tashvishlanishadi. Keyingi

bosqichida stress yangi so‘zlarni eslab qolish va aniqlashga urinishdan kelib chiqadi. Oxirgi bosqichida tashvish ilgari o‘rganilgan tilni qayta tiklash va undan foydalanishga urinishdan kelib chiqadi. Yuqorida aytib o‘tilganidek, tashvish ma’lum tilni o‘rganishga to‘sqinlik qiluvchi omillardan bir bo‘lishi mumkin, shuning uchun pedagog va o‘qituvchilar tomonidan bolaga to‘g‘ri yo‘nalish va yechim taqdimetilishi zarur.

Xulosa qilib aytganda, hozirgi yoshlarni har tomonlama yetuk, o‘z sohasining

kuchli mutaxassisi qilib tarbiyalashda chet tilini bilish juda katta ahamiyatga ega

bo‘lib, bu borada maktablarda chet tilini o‘qitishda bir qancha muammolar mavjuddir.

Ushbu muammolarni bartaraf qilish maqsadida o‘qituvchilar chet tilini o‘qitishda

yangicha o‘qitish usullaridan foydalansalar maqsadga muvofiq bo‘lardi.

18-maktab o'qituvchisi
Iroda Qayumova 

O‘zbekiston Respublikasi Vazirlar mahkamasining 2013-yil 28-mart kunidagi 89-sonli qarori hamda “Navoiyuran” davlat korxonasi direktorining 88-sonli buyrug’iga  asosan ShKB OYXTTE bo‘limi xodimlari hamda soxa mutaxasislari bilan hamkorlikda.  

“Navoiyuran” DK  Uchquduq ishlab chiqarish maydoniga qarashli “Sulfat kislotasi ishlab chiqarish sexi”, “Geotexnologik koni”da tashkilot bo‘linmalarining yengil alangalanuvchi suyuqliklar va yonuvchi suyuqliklar, yonuvchan gazlar hamda portlovchi moddalarni tashish bilan band bo‘lgan avtomobil haydovchilari, neft bazalari, yoqilg‘i moylash materiallari bo‘yicha masul xodimlar, moddiy tovar boyliklar bo‘yicha javobgar shaxslar (ombor mudirlari, omborchilar), elektrgazpayvandchilar bilan  yong’in texnik minimum bo‘yicha aniq maqsadli kurslar tashkil qilinib unda tashkilotning bo’linmalarida mehnat qilayotgan 179 nafar xodimlarining yong’in xavfsizligi bo’yicha bilim va ko’nikmalari oshirildi.

Bunday o’quv kurslarini tashkil qilishdan maqsad tashkilotda mehnat qilayotgan ishchi xodimlarining xavfsizligini ta’minlash hamda davlatimiz tabiiy resurslari va moddiy boyliklarini har qanday talofatlardan asrashdan iborat.

ShKB OYXTTEB inspektori leytenant E.I.Xomitov

ShKB OYXTTEB kichik inspektori oddiy askar F.B.Ulugov

      Favqulodda vaziyatlar vazirining 2025-yil 17-may kuni “Respublikada yong‘inlarni oldini olishga qaratilgan “Dolzarb-30 kun” profilaktika tadbirini o‘tkazish to‘g‘risida”gi 173-sonli Farmoyishiga asosan ShKB OYXTTE bo‘limi inspektorlari va 8-Yong‘in qutqaruv qismi xarbiy xizmatchilari bilan birgalikda ShKBga qarashli Markaziy moddiy-texnika bazasida yong‘in xavsizligini ta’minlash bo‘yicha “Dolzarb-30 kun” tadbiri tashkil etildi. Bu tadbirda jami 33 nafar ishchi va xizmatchilarga yozning issiq kunlarida elektr moslamalaridan xavfsiz foydalanish ish joylarida va aholi yashash xonadonlarida yong‘in xavfsizligi qoidalariga rioya qilishga doir zaruriy tavsiyalar berildi. Profilaktik tadbirda yong‘in o‘chirish avtomobili va yong‘in o‘chirish asboblarining ko‘rgazmali namoyishi hamda birlamchi yong‘in o‘chirgichlardan to‘g‘ri foydalanish, favqulodda holatlarda harakatlanish tartibi tushuntirib o‘tildi.

     Joylarda o‘tkazilayotgan tadbirlarda fuqarolarning yong‘in xavfsizligi to‘g‘risida tushunchalarga ega bo‘lishi sodir bo‘lishi mumkin bo‘lgan har qanday favqulodda vaziyatlar va yong‘inlarni oldini olishga, yong‘in zararlarini kamaytirishga samarali xizmat qiladi.

    Obyektda o‘tkazilgan “Dolzarb 30 kun” tadbirida ishchi xizmatchilar kun davomida obyekt hududida va yashash xonadonlarida yong‘in xavfsizligiga amal qilishi, shuningdek oila azolariga elektr moslamalari va gaz qurulmalariga befarq bo‘lmasliklarini takidladi.

ShKB OYXTTEB inspektori leytenent   Shukurillayev Oybek

ShKB OYXTTEB inspektori leytenent Xomitov Elyor

   Ҳар йили баҳорнинг охирги ойларида мактаб ва олий таълим муассасаларида битирув маросимлари ўтказилади. Бу кун – ҳар бир талабалик ёки ўқувчилик йўлини босиб ўтган ёшлар учун унутилмас сана, катта ҳаётга қўйиладиган илк қадамдир.

    Битирувчилар – келажагимиз эгалари. Улар билим, меҳнат ва интилиш билан бу босқичга етиб келишди. Уларнинг орзулари катта, мақсадлари равшан. Бу кун – уларнинг юзларида шодлик, қалбларида эса янги умидлар порлаб турибди.

   Битирув маросимлари фақатгина расмий тадбир эмас, балки устозлар ва ота-оналар учун ҳам ғурурли лаҳзадир. Чунки ҳар бир битирувчи – уларнинг меҳнати, сабри ва муҳаббатининг самарасидир. Устозлар уларга билим, тарбия ва юксак инсонпарварлик туйғуларини бериб, ҳақиқий ҳаётга тайёрлаб келишди.

Биз битирувчиларга келажакда омад, эзгу ишлар ва юрт равнақига ҳисса қўшишларини тилаймиз. Улар – янги замоннинг лидерлари, мамлакат ривожига ҳисса қўшадиган фидоий йигит-қизлардир.

Шундай экан, азиз битирувчилар, олдингизда улкан йўл очиқ. Умид, ишонч ва меҳнат билан бу йўлни босиб ўтинг. Эл-юртимиз сизнинг зафарли қадамларингиздан фахрланади!

Норова Хилола 18- мактаб укитувчиси

   Бугунги кунда хаммамизга маълумки Ўзбекистон жахон хамжамияти миқёсида ўзининг муносиб ўрнини беқиёс даражада одимлаб бормоқда. Бунда асосан ташки сиёсат ва дипломатик алоқаларда олиб борилаётган чуқур стратегик ислоҳотлар жамиятнинг барча соҳалари ривожига салмоқли хисса қўшиб келмоқда. Бунинг мисолида Президент Шавкат Мирзиёевнинг жорий йил 19–22 май кунлари Венгрия ва Словенияга амалга ошираётган расмий ташрифлари ҳам ана шу сиёсий юришнинг мантиқий давомидир. Ташриф давомидаги иқтисодий ислоҳотлар¬ни фаол амалга ошираётган Ўзбекистон-Словения компанияларига турли тармоқлар, жумладан, тўқимачилик, фармацевтика, саноат, озиқ-овқат ва тўқимачилик тармоқларида қурилиш, фармацевтика ва туризм саноа¬ти, энергетика, логистика, туризм каби жабҳаларда ҳам қўшма лойиҳалар амалга оширилиши мамлакатлар инфратузилмаси ривожи мухим хисобланади. Бугунги кунда бетакрор табиати ва ривожланган сайёҳлик инфратузилмаси билан машҳур Словения Ўзбекистонлик сайёҳларда катта қизиқиш уйғотмоқда. Шу билан бирга, туризм, маданий гуманитар, таълим ва маданий мерос сохалардаги ўзаро келишувлар жаб-ҳадаги яқин ҳамкорлик халқлар ўртасидаги ўзаро ҳамжиҳатлик ва дўстликни мустаҳкамлашга ҳисса қўшмоқда. Шунинг учун бу соҳани ривожлантириш ўзаро манфаатли ва самарали бўлиши мамлакатлар тараққиётининг изчил қадамларидан биридир. Дипломатик муносабатлар ўрнатилганининг Ўзбекистон ва Словения ўзаро ҳурмат ҳамда умумий манфаатларга асосланган ҳамкорликни янада мустаҳкамлаш истагини намоён этмоқда. Шу нуқтаи назардан, Ўзбекистон Президенти¬нинг Словенияга бўлажак ташрифи ва музокаралар икки томонлама муносабатларнинг янги уфқларини очиб, уларга жадал тус бериши шубҳасиз. Ўзаро инвестициявий шерикликдан томонлар¬нинг манфаатдорлиги ҳамкорликни ривожланти¬ришнинг муҳим омилидир. Бундай манфаатли ҳамкорлик ривожланиши мамлакатлар иқтисодиёти, сиёсий барқарорлик ҳамда ижтимоий маданий сохани ривожлантириши учун хизмат қилади.

Умар Худойқулов
Халқ депутатлари Учқудуқ туман Кенгаши депутати
Учқудуқ туман “Инсон” ижтимоий хизматлар маркази директори

       Венгрия  бош вазири Виктор Обраннинг таклифига биноан Ўзбекистон президенти Шавкат Мирзиёев расмий ташриф билан 19 май куни  Будапештга борди.

       Ташриф дастурига мувофиқ олий даражадаги  музокаралар бўлиб ўтиши назарда тутилган бўлиб, кун тартибига мувофиқ ташкилот  доирасидаги кўп қиррали ҳамкорликнинг бугунги ҳолати ва истиқболлари юзасидан фикр алмашинди, амалий ҳамкорликнинг долзарб масалалари муҳокама қилинди.

       Давлатимиз раҳбари ўз сўзида жаҳонда рўй бераётган  геоиқтисодий ва геосиёсий зиддиятлар,  минтақавий низолар ва иқлим ўзгариши оқибатида кучайиб бораётган  бугунги мураккаб вазият шиддат билан ўзгариб бораётганини қайд этди. 

        Президентимиз долзарб халқаро муаммоларни ҳал этишда, биринчи навбатда, ҳалқаро ҳуқуқ нормалари ва БМТ Низомига таянган ҳолда ташкилот, давлатларнинг умумий ёндашуви ва позицияларини мустаҳкамлаш муҳимлигини  қайд этиб ўтди. Давлат раҳбари Венгриянинг расмийлари,  етакчи банк ва  компаниялари раҳбарлари билан учрашувлар ўтказди. 

      Шавкат Мирзиёев Будапештда бўлиб ўтган Туркий давлатлар ташкилотининг  норасмий саммитида иштирок этди. 7 та давлат раҳбарлари иштирок этган  ушбу саммитда Будапешт диклорацияси, ҳамкорликнинг устувор йўналишлари бўйича  қатор ҳужжатлар қабул қилинди.

     - Саммитда инновацион лойиҳаларни қўллаб-қувватлаш учун Қўшма венчур компанияси ва Ташкилотга аъзо мамлакатларнинг инвестициявий имкониятларини тақдим этадиган ягона портал ташкил этиш;

      - Кимё, энергетика, тоғ-кон, енгил саноат, фармоцевтика, чарм-пойабзал, озиқ –овқат ва қурилиш тармоқларида йирик ишлаб чиқариш қувватларини ташкил этиш бўйича алоҳида дастур ишлаб чиқиш;

     - ТУРКСОЙ фаолияти  ва тузилмасини такомиллаштириш бўйича таклифлар ишлаб чиқиш ҳамда Туркий маданият жамғармаси кенгашининг навбатдаги йиғилишини Ўзбекистонда ўтказиш;

      - қурғоқчилик ва   экологик муаммоларни олдини олиш бўйича қўшма “йўл харитаси” ни ишлаб чиқиш сингари таклифлар берилди ва қўллаб –қувватланди.

       Сермазмун ва самарали таклифларга бой бўлган президент Ш.Мирзиёевнинг Будапештга ташрифи нафақат туркий ҳалқлар балки Осиё ва Европа давлатлари ўтрасидаги ўзаро ҳамкорлик ва барқарорликни таъминлашига ишонамиз.

    Халқ депутати Учқудуқ туман кенгаши

    котибят мудири М.Камолова

   Тасвирий санъат — бу инсоннинг ички туйғулари, фикрлари ва дунёқарашини образлар орқали ифодалаш санъатидир. Бу санъат тури тарихан жуда қадимий бўлиб, илк одамлар ғор деворларидаги расмлар орқали ўз ҳаётини ва тафаккурини акс эттирганлар. Бугунги кунда эса тасвирий санъат кўплаб йўналишларга эга: расм, графика, ҳайкалтарошлик, дизайн ва бошқалар.

   Тасвирий санъат орқали инсон табиат гўзаллигини, миллий анъаналарни, тарихий воқеаларни ва замонавий ҳаётни ўзгача тарзда кўрсата олади. У инсонни нафосатга, гўзалликни англашга, қалбини мусиқа каби ларзага келтиришга қодир. Шунинг учун ҳам тасвирий санъат фақат кўз учун эмас, қалб учун ҳам озуқа ҳисобланади.

   Ҳар бир халқнинг ўз миллий тасвирий санъати бор. Ўзбекистонда миниатюра, керамика, ҳунармандчилик, наъққошлик каби анъанавий санъат турлари асрлар давомида ривожланиб келмоқда. Замонавий рассомлар эса ушбу анъаналарни давом эттириб, уларга янги нафас бағишлашмоқда.

   Хулоса қилиб айтганда, тасвирий санъат инсон ва жамиятнинг руҳий бойлиги, маданий мероси ҳисобланади. Уни асраш ва ривожлантириш — ҳар биримизнинг муқаддас бурчимиздир.

Сайфуллоева Раъно

18- мактаб укитувчиси

         Ilm maskani  bo'lmish  maktab  hayoti har bir inson  hayotida  alohida  o'rin tutadi .Bola bog'chada o'ynaydi,rasm chizadi ,she'r yodlaydi ammo bolalarcha  fikrlar bilan qabul qiladi ,maktabda esa bola shaxs bo'lib shakllana boradi, mustaqil yaxshi yomonni ajrata oladigan ,yangi bolalarcha g’oyalar bera oladigan ma'lum  ilmga tayangan holda ixtiro qiladigan shaxsga aylanadi. Har tomonlama yetuk inson bo'lib yetishish uchun  davlatimiz ,mehribon prezidentimiz say harakatlari bilan bugungi kunda har bir ziyo maskanida  muhim shart sharoitlar yaratilgan. Bugungi kun o'quvchisi bo'lgim keladi goho. Uchquduq tumanida joylashgan 18- sonli umumiy o'rta ta'lim maktabi ostonasiga qadam qo’yar ekanman  bundan 3  yillar avvalgi  holat beixtiyor ko'z o'ngimdan o'tadi  singan stullar,har xil og'ir partalar ,sinfxona polining  teshiklari ,ayniqsa qishda sovuq havoda  kurtkalarda o'tirib o'qiganmiz,qo'llarimiz sovuqdan muzlab qolardi. Shuni alohida ta'kidlab o'tmoqchiman men shu maktabning sobiq o'quvchisiman. Hozirgi kunda maktab direktori Allanova Gulbahor Eskabulovna  rahbarligida maktab zamonaviy  jihozlangan ,har bir sinfda zamonaviy partalar ,pardalar,gilamlar ,tabiyi gullar ,zamonaviy Televizorlar ,kompyuterlar ,kondisionerlar, mavjud. Maktab o'quvchilari I- smenada dars olib boradilar ,maqsad dars tugagach  har bir fandan Fan to'garaklari ish olib boradi ,sport,tikuvchilik ,rassomlik va musiqa to'garaklari hamisha o'quvchilar bilan gavjum. Musiqa xonasi   yangi tavsiyalar asosida jihozlangan ,yumshoq yostiqli o' rindiqlar  bolalar uchun qulaylik yaratadi. O'qituvchilar xonasi ,oshxona tadbirlar zali ,maktab hovlisida yashnab turgan gullar  bahri dilingizni ochadi .Imkoniyatlar va mehnat katta yutuqlar poydevori sanalganidek  o'quv yili davomida  muvaffaqiyatlar e'tirofga arzigulikdir.

  --Men juda ham xursandman - quvonchini yashirmaydi ustoz- o'quvchilarimiz kimyo ,fizika,matematika ,ingliz tili ,onatili va adabioti ,tarix fanlaridan sertifikatga ega bo'ldilar -bu talabalikka   bir qadamdir ,Ro'ziyev Durbek  kimyo fanidan 100% yechgan ,umid qilamanki o'tgan yili 89% oliy o'quv yurtlariga o'quvchilarimiz kirgan bo'lsalar joriy yilda 95-100% ni tashkil qiladi- Birdamlik ,hamjihatlikda gap ko'p,xalqimiz tarixdan mehr muhabbatga tayanadi .O'z kasbiga ,o'quvchilariga mehr bergan ustozimiz tashabbuslari bilan "Direktor stipendiyasi " sentayabr oyida joriy qilingan edi ,har oyda 3 nafar a' lochi ,odobli  ,tashkilotchi o'quvchilar tanlab olinadi va mukofot topshiriladi ,raqobat bo'lsa yutuqlar rivojlanadi  deganlaridek o'quvchilar do'stona bellashib harakat qiladilar .

                                       Malikova Malohat

Oliy toifali Magistr Ingliz tili o’qituvchisi

    Учқудуқ тумани олис чўл ҳудудида жойлашган бўлиб чорвачиликка ихтисослашган туманлардан ҳисобланади. Туманда асосан чорвачиликнинг қўйчилик, қорамолчилик, йилқичилик, туячилик тармоқлари кенг ривожланган. Учқудуқ туманида бугунги кунда 71 та чорвачилик фермер хўжаликлари ва 30 дан ортиқ чорвачилик МЧЖ лари фаолият юритмоқда.

   Чорва мол бош сонлари: 2025 йил биринчи чоракда  барча тоифа хўжаликларда йирик шоҳли қорамоллар жами  5294  бошни,  қўй  ва  эчкилар    134 078  бошни,  отлар жами 4526 бошни,  паррандалар  эса жами 20558 бошни;

    Чорвачилик маҳсулотлари: барча тоифа хўжаликларда
3198 тонна (тирик вазнда) гўшт,  соғиб олинган сут 1311 тонна,  олинган тухум 326  минг дона, ва олинган қоракўл терилар эса 23594 донани ташкил этиб, қишлоқ хўжалигининг ўсиш суръати 105,6 % ни ташкил этди.

   Учқудуқ туманида жорий йилда умумий қиймати 21 млрд 400 млн сўмлик 17 та лойиҳалар шакллантирилди. Шундан қиймати 3 млрд 800 млн сўмлик туячилик бўйича 3 та лойиҳа, қиймати 6 700 млн  сўмлик йилқичилик бўйича 5 та лойиҳа, қиймати 10 900 млн сўмлик қўйчилик бўйича 9 та лойиҳалар шакллантирилган ва тармоқ жадваллари ишлаб чиқилган ҳамда йил якуни билан жами 34 та янги иш ўринлари яратилиши кўзда тутилган бўлиб, ушбу лойиҳаларнинг бугунги кунда 7 таси ишга туширилган бўлиб
14 та янги иш ўринлари яратишга эришилди.

Чорва мол бош сонларини кўпайтириш чорвачилик маҳсулотлари ҳажмини ошириш Жорий йилда 70 та фуқароларга 1 млрд 800 млн сўмдан ортиқ имтиёзли кредитлар ажратилиб 70 нафар фуқаронинг бандлиги таъминланди.

Бундан ташқари қишлоқ хўжалиги соҳасида иш ўринларини яратиш, аҳоли бандлигини таъминлаш ҳамда соҳада норасмий бандлик улушини қисқартириш бўйича жорий йилда Учқудуқ туманида жами 103 та янги иш ўринларини яратиш режалаштирилган бўлиб, биринчи чорак якуни билан 93 та янги иш ўринларини яратиш белгиланган бўлсада бугунги кунда ушбу кўрсатгич 142 тага етказилиб 158,0 фоизга бажаришга эришилди.

    Ўрмон хўжалиги бўйича:

   Ўзбекистон Республикаси Вазирлар Маҳкамасининг 2022 йил
18 январдаги “Орол денгизининг суви қуриган тубида ва оролбўйи ҳудудларида “яшил қопламалар” – ҳимоя ўрмонзорларини барпо этишнинг қўшимча чора- тадбирлари тўғрисида”ги 31-сонли қарорига асосан Учқудуқ туманида 2022-2026 йилларда 100 минг гектар майдонда
“яшил қопламалар” – ҳимоя ўрмонзорларини барпо этиш режалаштирилган.

Туман Давлат ўрмон хўжалиги бўлими томонидан 2025 йилда 28 минг гектар майдонга “яшил қопламалар” ҳимоя ўрмонзорлари барпо етиш ва 125 тонна ўруғ жамғариш реалаштирилган бўлиб бугунги кунда 35 тонна саксовул уруғлари йиғиб олинган.

      Д.Астанов

Туман ҳокими ўринбосари