rasmiy ma'ruzalar va tabriklar (39)
rasmiy ma'ruzalar va tabriklar
Учқудуқ тумани ҳокими Хамроев Соли Фармонович билан туманда куз-қиш мавсумини беталофат ўтказишга доир амалга оширилаётган ишлар хусусида ўтказилган брифинг
Ассалому алайкум ҳурматли брифинг қатнашчилари!
Ҳурматли ижтимоий-тармоқ кузатувчилари!
Маълумки, куз — қиш мавсумида аҳолининг табиий ва суюлтирилган газга бўлган талаби ҳам кескин ошади. Бу эса соҳанинг барқарор ишлашини таъминлашга қаратилган ишларимизни танқидий кўриб чиқишни тақозо этади.
Бугунги кунда Учқудуқ туманида жами 10163 та табиий ва суюлтирилган газ истеъмолчилари бор. Уларнинг 458 таси табиий газ истеъмолчилари, 9705 таси суюлтирилган газ истеъмолчилари ҳисобланади.
Туман марказидаги кўп қаватли уйларга суюлтирилган газ газголдер қурилмаси қувурлари орқали етказилади. Истеъмолчилар сони 6 763 тани ташкил қилади.
Шунингдек, “Дўстлик” маҳалласи ҳудудидаги суюлтирилган газ баллонлардан фойдаланувчи истеъмолчилар сони 1163 нафарни, овул фуқаролар йиғинлари ҳудудларида суюлтирилган газ баллонлардан фойдаланувчи истеъмолчилар сони 1779 нафардан иборат.
Суюлтирилган углеводород гази аҳоли хонадонларига туман ҳокимлиги томонидан тасдиқланган режа-графикка асосан, етказиб берилади.
Йил бошидан буён газголдер қурилмаси орқали 1 190 тонна 250 кг, газ баллонлар орқали 301 тонна 140 кг сюлтирилган газ истеъмолчиларга етказиб берилди. Овул ва маҳаллалар аҳолисига ижара шартнома асосида 52 дона суюлтирилган углеводород газ баллонлари етказиб берилди.
Истеъмолчиларга қулайлик яратиш мақсадида автоматлаштирилган “E-Gaz” дастурига ўтказилган. Хонадонларга етказиб берилаётган газ баллонлар учун махсус ID карта жорий қилинган.
Бунинг натижасида газ баллондан фойдаланувчи истеъмолчилар нақд пулда тўловни амалга оширмасдан ўзлари учун ажратилган ID карталарга пайнет, пайме, миллий, ҳамда click програмалари орқали тўловларни амалга ошириш имконияти яратилди.
Аҳолига етказиб берилаётган газ баллонларнинг умумий вазни 43 кг. бўлиб, шундан 23 кг. газ балоннинг оғирлиги, 20 кг. суюлтирилган газнинг оғирлиги ҳисобланади. Шу билан бир қаторда суюлтирилган газ балонларни етказиб берувчи транспорт воситаларида газ баллонларни ўлчаш учун тарозилар қўйилган. Газбалон нархи 22 минг 400 сўмни ташкил этади.
Ҳавонинг кескин совиши натижасида суюлтирилган газнинг конденсат ҳолатига келиб қолишини олдини олиш мақсадида “Иссиқлик манбаи” ДУК Учқудуқ филиали билан шартнома имзоланиб, газголдерларга иссиқлик тизими ўрнатилди. Бу эса суюлтирилган газ парланиб, истеъмолчиларга бир маромда етиб боришини таъминлайди.
Куз-қиш мавсуми олдидан туман марказидаги 23 та газголдер ускуналари уларга ўрнатилган иситиш тизимлари қувурлари техник кўрикдан ўтказилди.
Ўзбекистон Республикаси Президентинг 2020 йил 24 сентябрдаги “Табиий газ назорати ва ҳисобининг автоматлаштирилган тизимини жорий этиш” лойиҳасини амалга оширишга доир қўшимча чора-тадбирлар тўғрисида”ги 4840-қарорига асосан, Учқудуқ туманида табиий газдан фойдаланадиган 458 та истеъмолчига ақлли газ ҳисоблагичлар ўрнатилган.
Туманда 15 дона газ тарқатиш пунктлари мавжуд бўлиб, шундан 3 таси юқори босимли, 12 таси ўрта босимлидир. Мазкур газ тарқатиш пунктлари аҳолини узлуксиз газ билан таъминлашга хизмат қилади.
Шунингдек, 3,2 км юқори босимли, 3,4 км ўрта босимли ва 7,2 км паст босимли газ қувурлари мавжуд. Мавсумга тайёргарлик даврида 4,5 км паст босимли газ қувурида босим остида синаш ва тозалаш ишлари олиб борилди. Емирилиш ва эскиришни олдини олиш мақсадида 7 км газ қувури, 25 дона газ ёпгичлар бўёқланди ҳамда 40 дона газ тиркамалари янгисига алмаштирилди. Таъмирталаблари эса соз ҳолатга келтирилди.
Юқорида қайд этиб ўтилган амалий ишлардан кўриниб турибдики, Учқудуқ аҳолисини куз-қиш мавсумида табиий ва суюлтирилган газ билан узлуксиз таъминлаш бўйича барча чоралар кўрилган.
Эътиборингиз учун рахмат!!
Учқудуқ туман ҳокими С.Ф.Хамроевнинг Ўзбекистон Республикаси Давлат мустақиллигининг 31 йиллиги муносабати билан йўллаган табриги
Ассалому алайкум азиз юртдошлар!
Қадрли учқудуқликлар!
Авваламбор, Сиз азизларни ва бутун туманимиз аҳлини энг улуғ ва энг азиз байрамимиз – Ўзбекистон Республикаси Давлат Мустақиллигининг 31 йиллиги билан самимий муборакбод этаман.
Биз учун янги давр, эркин ва озод ҳаётни бошлаб берган ушбу қутлуғ сана ҳар бир инсон, ҳар бир оила ҳаётида ўз ўрнига эга. Шу боис ҳам бу айёмни ҳар биримиз ўзгача кўтаринкилик ва меҳнатда катта зафарлар билан кутиб оламиз.
Зеро, мустақиллигимизнинг жорий йилда “Ўзбекистонда эл азиз, инсон азиз!” деган эзгу ғоя асосида нишонланиши замирида ҳам юртдошларимизнинг Ватанимизга бўлган юксак меҳри ва чексиз фахру ифтихори мужассамдир.
Ҳурматли Президентимиз Шавкат Миромонович Мирзиёев таъкидлаганларидек, истиқлол йилларида эришган ютуқларимизга таяниб, миллий тикланишдан – миллий юксалиш сари дадил қадам қўймоқдамиз.
Янги Ўзбекистоннинг 2022-2026 йилларга мўлжалланган тараққиёт стратегияси, “Инсон қадрини улуғлаш ва фаол маҳалла йили” давлат дастури, “Обод маҳалла”, “Обод қишлоқ”, “Ҳар бир оила – тадбиркор”, “Ёшлар – келажагимиз”, “Беш ижобий ташаббус” каби муҳим дастур ва режалар доирасида олиб борилаётган туб ислоҳотлар сўнгги йилларда аҳолининг ҳаёт даражаси ва сифатини тубдан юксалтиришда муҳим аҳамият касб этмоқда.
Буни биргина, туманимиз мисолида айтадиган бўлсак, “Обод қишлоқ”, “Обод маҳалла” дастурлари доирасида сўнгги уч йил ичида 5 та овул фуқаролар йиғларнинг янги, обод ва янада кўркам қиёфаси яратилди. Уларда 31,8 км йўл-трнаспорт инфратузилмаси, 86.8 муҳандислик-коммуникация тармоқлари, 13 ижтимоий соҳа объектларида қурилиш ва ободонлаштириш ишлари амалга оширилди.
Aҳоли турмуш шароитини яхшилаш мақсадида 2022 - 2023 йилда туманимизда 32 та 1498 хонадонли янги янги уй-жойлар барпо этиляпти.
Кичик бизнес ва хусусий тадбиркорликни ҳар томонлама қўллаб-қувватлаш, уларнинг самарали фаолият кўрсатишлари учун зарур шароитлар яратиш мамлакатимизда амалга оширилаётган ислоҳотларнинг муҳим йўналишларидан биридир.
Зеро, тадбиркор нафақат ўзини ва оиласини, балки халқни ҳам, давлатни ҳам боқади, янги иш ўринлари ташкил этиб, аҳоли бандлигини таъминлайди. Таҳлиллар шуни кўрсатмоқдаки, Учқудуқда кичик бизнес субъектлари сони йилдан-йилга ошиб бормокда. 2017 йилга нисбатан, хусусий корхоналар сони беш баробарга ошиб, бугунги кунда давлат рўйхатидан ўтган кичик бизнес субъектлари сони 1200 тадан зиёдни кўрсатмоқда.
Иқтисодиётнинг кон томирига айланган кредитларни ўзлаштириш борасида ҳам қатор ислоҳотлар амалга оширилмоқда. 2022 йил ҳисобот даврида 2 та тижорат банки томонидан тадбиркорлик субъектларини молиявий кўллаб-қувватлаш учун жами 16,5 млрд. сўм миқдорида кредит маблағлари ажратилди. "Ҳар бир оила - тадбиркор" давлат дастури доирасида 369 нафар ёш тадбиркорга 11,0 млрд. сўм кредит маблаги ажратилиши худудда янги тадбиркорлик субъектлари сонининг ошишига хизмат қилди, десак муболаға бўлмайди.
Кичик бизнес ва тадбиркорликни ривожлантириш борасида туманни ижтимоий-иқтисодий ривожлантириш 2022 йилги дастури белгиланиб, умумий қиймати 167,4 млрд. сўмлик 68 та инвестиция лойиҳаси амалга оширилиши натижасида йил давомида 392 та янги иш ўрни яратилади. Ушбу мақсадли дастур ижроси юзасидан жорий йилнинг биринчи ярим йиллигида саноат, хизмат кўрсатиш ва сервис ҳамда қишлоқ хўжалиги йўналишларида
48,8 млрд. сўм лик 31 та инвестиция лойиҳалари ишга туширилди.
Ҳудуд ривожланишида муҳим бўлган иқтисодиётнинг асосий тармоқлари жорий йил 6 ой якунида саноат маҳсулотлари ишлаб чиқариш 144,1 млрд. сўм, истеъмол моллари ишлаб чиқариш 49,2 млрд. сўм, асосий капиталга киритилган инвестициялар 118,9 млрд. сўм, қурилиш ишлари 58,3 млрд. сўмни ташкил этди.
Ўзбекистон Республикаси Президентининг 2021 йил 21 апрелдаги "Ёшлар саноат ва тадбиркорлик зоналари фаолиятини ташкил этиш ҳамда ёшларнинг тадбиркорликка оид ташаббусларини қўллаб-қувватлаш чора-тадбирлари тўғрисида"ги ПҚ-5088-сонли қарорига асосан тумандаги 4 гектар ер майдонида "Ёшлар саноат ва тадбиркорлик зонаси" ташкил этилди. Мазкур ҳудудда умумий киймати 28,9 млрд.сўмлик 24 та инвестиция лойиҳаси амалга оширилмоқда, қатор ишлаб чиқариш ва хизмат кўрсатиш корхоналари қад ростламоқда.
Қадрли байрам қатнашчилари!
Бугунги қутлуғ айёмда Ватанимиз келажаги бўлган ёшлар камолоти йўлида қилаётган ишларимизни сарҳисоб қилишимиз табиий, албатта.
Узлуксиз таълимнинг муҳим босқичи бўлган мактабгача таълим тизимидаги янгиликларга ўзингиз гувоҳи бўлиб турибсиз. 2017 йилда вилоятда 3-7 ёшдаги болаларнинг 64,4 фоизи мактабгача таълимга қамраб олинган бўлса, бугунги кунга келиб бу кўрсаткич 94 фоизни ташкил этади. Ёки 3721 нафар 3-7 ёшли болаларнинг 3443 нафари боғчага боради.
Бугунги кунда мактабгача таълим ташкилотлари сони жами 34 та шундан, 15 таси давлат мактабгача таълим ташкилоти, 2 та давлат хусусий шерикчилик асосидаги нодавлат мактабгача таълим ташкилоти бўлиб, оилавий нодавлат мактабгача таълим ташкилоти сони 17 тани ташкил қилади. Йил охиригача яна 50 ўринли 1 та оилавий нодавлат мактабгача таълим ташкилоти фаолияти йўлга қўйилиши ҳисобидан шунингдек, мавжуд боғчалардаги гуруҳлар тўлдирилиб, қамровни йил охиригача 97 фоизга чиқаришни режалаштирганмиз.
Айни кунларда 14 ва 15 сонли мактабгача таълим муассасаларида “Обод маҳалла” давлат дастури доирасида қурилиш ва таъмирлаш ишлари олиб борилмоқда. 9 млрд. 700 млн. сўм маблағ сарфланиб, капитал таъмирдан чиқарилаётган мазкур муассасаларда эртамиз эгаларининг баркамол, комил инсонлар бўлиб вояга етишлари учун барча шарт-шароитлар яратилади.
Мустақиллик йилларида юртимизда ёшлар келажаги, уларнинг ҳар томонлама баркамол инсонлар бўлиб вояга етишларини таъминлаш масаласи давлат аҳамиятига молик устувор вазифа сифатида қаралиб, бу борада улкан ислоҳотлар амалга оширилмоқда. Хусусан таълим соҳасига қаратилаётган эътибор, айтиш мумкинки ёшларимизнинг тақдири ҳал бўладиган умумий ўрта таълим тизимини янада ривожлантириш, ўқувчиларга замонавий талаблар асосида таълим-тарбия бериш, ўқитувчиларнинг жамиятдаги обрўси ва нуфузини ошириш борасидаги амалга оширилган ишлар барчамизни қувонтиради.
Азиз тумандошлар!
Асосий таянчимиз ва суянчимиз бўлган ёшларга эътибор ва ғамхўрлик кўрсатиш, уларга барча соҳаларда ўз иқтидори ва салоҳиятини тўлиқ намоён этиши учун зарур шароит ва имкониятлар яратиб бериш давлатимиз сиёсатининг устувор йўналиши ҳисобланади.
Учқудуқда бу йўналишда бир қанча ижобий ишлар амалга оширилган. “Ёшлар жамғараси” ҳисобига 789,3 млн. сўм маблағ йўнилтирилди. 220 нафар ёшлар “Ёшлар дафтари”га киритилган бўлиб, уларнинг 207 нафарига турли йўналишларда манзилли кўмак кўрсатилди. Жумладан, 45 нафар ёшга асбоб ускуна олишлари учун субсидия ажратилган, 21 нафар ёшга субсидия асосида сафарбарлик чақирув резерви ҳизмати харажатлари тўлиқ тўлаб берилган, 4 нафар ёшга ҳайдовчилик гувоҳномасига ўқиш харажатларининг 75% қоплаб берилди. Шунингдек, 23 нафар ёшларга субсидия асосида контракт маблағларининг 50% фоизигача бўлган қисми тўлаб берилди. Уй-жойга муҳтож 26 та ёш оилага ипотека дастури доирасида бошланғич бадал ва фоиз тўловлари тўлаб берилди.
“Аёллар дафтари”га киритилган 286 нафар хотин-қизларнинг 285 нафарига амалий ёрдам кўрсатилди, бу кўрсаткич - 99,65%ни ташкил этади. 246 нафар аёллар чуқурлаштирилган тиббий кўрикдан ўтказилди.
Жумладан, 45 нафар хотин-қизларимиздан 44 нафарининг бандлиги таъминланди, 27 нафар тадбиркорлик қилиш истагидаги опа-сингилларимизнинг 27 нафарига кредит ва субсидиялар ажратилиб берилди ва бандлиги таъминланди, учинчи, тўртинчи ва олтинчи тоифадаги хотин-қизлардан 168 нафарига жами 187,0 млн. сўмлик бир марталик моддий ёрдамлар кўрсатилди.
Бугунги кунгача “Аёллар дафтари” га киритилган ижтимоий-тиббий ҳимояга муҳтож хотин-қизлар учун 487, 0 млн.сўмга яқин маблағлар сарфланди.
Бундан ташқари, “Саховат ва кўмак” жамғармаси томонидан тиббий-ижтимоий кўмакка муҳтож 569 нафар фуқароларга 575 млн. 570 минг сўм миқдорида хайр-саховат ёрдамлари берилди.
Юқоридаги рақамларни таҳлил қиларканмиз, тиббий-ижтимоий кўмакка муҳтож хотин-қизлар ва ёшлар, турмуш шароити оғир, ишсиз, касб-ҳунарга эга бўлмаган фуқароларга давлат томонидан манзилли кўмак кўрсатиш мутлақо янги босқичга кўтарилганини кўришимиз мумкин.
Қадрли тумандошлар!
Ҳудудда юз бераётган ўзгаришлар, бунёдкорлик жараёнларининг бугунги суръати тумандошларимизни янги марралар сари руҳлантирмоқда. Ислоҳотлар самарасини ўз тақдирида, кундалик ҳаётида кўраётган ҳар бир тумандошимиз қалбида бугунидан рози бўлиш, эртанги кунга мустаҳкам ишонч туйғуси мужассам.
Бундан кейин ҳам халқ манфаати, одамларни ҳаётдан рози қилиш – доимо фаолиятимизнинг асосий мезони бўлиб қолаверади.
Сўзимнинг якунида, барчангизга мустаҳкам соғлиқ, узоқ умр, юртимиз равнақи йўлидаги эзгу ишларингизда улкан муваффақиятлар тилайман.
Юртимиз тинч ва фаровон, меҳнаткаш ва бағрикенг халқимиз доимо соғ-омон, осмонимиз мусаффо бўлсин!
Мустақиллигимиз абадий бўлсин!
Эътиборингиз учун раҳмат!
Ассалому алайкум муҳтарам ватандошлар!
Қадрли дўстлар!
Сиз, азизларни, бутун Учқудуқ тумани аҳолисини мамлакатимизда иккинчи бор нишонланаётган байрам – Халқлар дўстлиги куни билан чин қалбимдан, самимий муборакбод этаман.
Маълумки, Бирлашган Миллатлар Ташкилоти Бош Ассамблеясининг қарорига мувофиқ, 30 июль – бутун дунёда Халқаро дўстлик куни сифатида нишонланиб келинади. Ўзбекистонда 2021 йил 10 февралда қабул қилинган қонунга асосан ушбу сана Халқлар дўстлиги куни деб белгиланди. Бу байрамнинг таъсис этилиши бутун республикамиз аҳолисининг айни кўнглидаги иш бўлди.
Дарҳақиқат, инсон ҳаётини безайдиган, унга маъно ва мазмун бағишлайдиган, унинг яхши кунида қувончига қувонч, шодлигига шодлик қўшиб, ёмон кунида эса суянч тоғи бўладиган мўъжиза бу – дўстликдир!
Халқлар ўртасидаги дўстлик эса кимнингдир иродаси билан эмас, балки ҳаёт тақозоси билан юзага келади. Дўстлик масофа танламайди, тил, дин ёки ирқ билан чегараланмайди. У нафақат инсонларни, шунингдек халқларни ва давлатларни ҳам ўзаро ҳурмат, ишонч асосида бирлаштиради.
Аслини олганда, дўстга садоқат, бирдамлик каби эзгу туйғулар халқимиз орасида қадрият даражасига кўтарилган. Азал-азалдан ота-боболаримизнинг ўгитларида, мақол ва ҳикоятларда, шунингдек шоиру донишмандларимизнинг асарларида дўстлик туйғуси улуғланган, таъбир жоиз бўлса, бундай дунёқараш асрлар давомида қон-қонимизга сингиб кетган.
Ҳурматли Президентимиз Ш.М.Мирзиёев таъкидлаганларидек, “Ўзбекистон – улкан имконият ва ресурсларга эга бўлган мамлакат. Лекин бизнинг энг катта бойлигимиз – турли миллат ва конфессиялар вакиллари ўртасидаги тинчлик ва барқарорлик, ўзаро ҳурмат ва ҳамжиҳатликдир”.
Бугунги кунда мамлакатимизда 130 дан зиёд миллат ва элат вакиллари ягона ва аҳил оила бўлиб яшаётгани барчамизни қувонтиради. Улар барча соҳа ва тармоқларда фидокорона меҳнат қилиб, жонажон Ўзбекистонимизнинг равнақи ва гуллаб-яшнашига муносиб ҳисса қўшмоқдалар.
Юртимизда 16 та конфессияга мансуб диний ташкилотлар ўз фаолиятини эркин амалга оширмоқда. Мамлакатимизда миллатлараро муносабатларни янада уйғунлаштиришда 150 та миллий маданий марказ катта роль ўйнамоқда.
Давлат таълим муассасаларида ўқув ишлари 7 тилда олиб борилмоқда, Ўзбекистон Миллий телерадиокомпанияси ўз кўрсатув ва эшиттиришларини 12 тилда бериб бормоқда.
Жумладан, Учқудуқ туманида ҳам 30 га яқин турли миллат ва элат тинч-тотув ҳамжиҳатликда истиқомат қилади. Таълим 3 тилда, “Учқудуқ” газетаси 3 тилда олиб борилади.
Биз барчамиз туманимизда яшаб, Ватанимиз тараққиёти йўлида фидокорона меҳнат қилаётган турли миллат ва элат вакиллари, жумладан, миллий маданий марказларнинг раҳбарлари ва фаолларини яхши биламиз ва юксак қадрлаймиз.
Бу ҳақда сўз юритганда, “Рус миллий-маданий марказ”и раҳбари Колеватова Татьяна Андреевна, Шимолий кон бошқармаси ахборот-коммуникация технологиялари маркази муҳандис - дастурчиси Александр Халтуринский, “Ануш” хусусий корхонаси раҳбари Габриелян Роскир Абрамович, фахрийларимиздан Керуенбаев Абдулла Молдабаевич, Пардаева Гуласар Пардаевна каби ёш авлодимизга ўрнак бўлиб келаётган жамоатчилик вакилларининг номларини алоҳида тилга олишни истардим.
Муҳтарам тумандошлар!
Бугунги мураккаб замонда дунёнинг турли минтақаларида миллатлар ва конфессиялар ўртасида кескинлик кучайиб бормоқда. Бундай таҳликали шароитда биз биринчи навбатда жамиятимиздаги тинчлик, барқарорлик ва фуқаролараро тотувликни кўз қорачиғидек асраб-авайлашимиз, фарзандларимизни кўпмиллатли халқимизнинг юксак маънавий-ахлоқий қадриятлари руҳида тарбиялашимиз зарур.
Ҳурматли дўстлар, барчангизни яна бир бор Халқлар дўстлиги куни билан табриклайман.
Ишончим комилки, ушбу байрам юртдошларимиз қалбида мустаҳкам ўрин эгаллайди ва ҳаётимизда эзгу анъанага айланади.
Барчангизга сиҳат-саломатлик, ютуқ ва омад, оилаларингизга тинчлик ва фаровонлик тилайман.
Гўзал ва бетакрор юртимизда доимо тинчлик ва осойишталик ҳукм сурсин, кўпмиллатли Ўзбекистонимиз халқига бахту саодат ёр бўлсин!
Эътиборингиз учун рахмат!
Ассалому алайкум қадрли ёшлар, азиз ўғил-қизларим!
Ҳурматли тадбир иштирокчилари!
Сизларни ва сизнинг тимсолингизда барча учқудуқлик ёшларни тобора яқинлашиб келаётган 30 июнь – Ёшлар куни байрами билан самимий муборакбод этаман!
Учқудуқ туманининг ғайрати баланд, интилувчан ўғил-қизларимиз иштирокида “Янги Ўзбекистон ёшлари, бирлашайлик!” шиори остида ўтказилган барча тадбирлар ёшларимиз учун етуклик ва ҳақиқий ватанпарварлик кўриги бўлди, десак тўғри бўлади.
Янги Ўзбекистонни барпо этишга қаратилган умумхалқ ҳаракати сафларида сиз, азиз ёшларимизнинг қудратли куч бўлиб майдонга чиқаётганингиз таҳсинга сазовор, албатта.
Ҳурматли Юртбошимиз ташаббуслари билан бугун ҳаётимизнинг қайси соҳа ва тармоғини олмайлик, ёшларга эътибор ва ғамхўрлик асосий ўринга кўтарилиб, уларга зарур шароит ва имкониятлар яратиб берилмоқда. Эртамиз эгалари бўлган ёшлар билан ишлашнинг мутлақо янги тизими – “Ёшлар дафтари” ва “Ёшлар дастурлари” ҳаётга татбиқ этилмоқда.
Олиб борилган амалий ишлар натижасида ўтган 6 ой мобайнида “Ёшлар дафтари”га кирган 165 нафар йигит-қизнинг муаммоларини ҳал этиш учун 569,5 млн. сўм маблағ йўналтирилди. 81 нафар талабанинг контракт пули,
12 нафар йигитнинг 68,8 млн. сўм миқдоридаги сафарбарлик чақируви резерви учун белгиланган бадал пуллари тўлаб берилди.
Шу билан бирга, 51 нафар ўғил-қизларнинг тадбиркорлик лойиҳалари учун, 975 млн. сўм имтиёзли кредитлар ажратилди. “Ёшлар саноат ва тадбиркорлик зонаси”даги 22 та лойиҳа доирасида ёшларимиз учун 67 та янги иш ўринлари яратилди.
Қолаверса, туман марказидаги “Олтин кўл”, “Орзу” истироҳат боғи, “КЕLАJАК” ёшлар маркази, ўнлаб спорт иноотлари бугун ёшлар ихтиёрига берилган.
Жорий ўқув йилида туманимиздаги умумий ўрта таълим мактаблари, касб-ҳунар мактаби ва саноат техникумини 962 нафар ёшлар тамомлаб, мустақил ҳаётга қадам қўймоқда. Шу боис ёшларнинг бандлигини таъминлаш фаолиятимизнинг энг устувор йўналишларидан бири бўлиб қолади. Бу йўналишда ҳар бир маҳалла кесимида қанча ёшларни касб-ҳунарга ўқитиш, қанчасини иш билан таъминлаш, нечта тадбиркорлик лойиҳасини амалга ошириш белгилаб олинади.
Шунингдек, барча учун таълим кредити имтиёзли шартларда 7 йил муддатга, Марказий банкнинг асосий ставкасида, ажратилади. Бунга қўшимча равишда, таълим кредитларини қоплаш учун йўналтирилган маблағлар даромад солиғидан ҳам озод қилинган.
Бундан ташқари, “Дафтарлар”га кирган оилаларнинг янги турмуш қураётган фарзандларига ўз хонадонида қўшимча уй-жой тиклаб олиши учун 33 миллион сўмгача гаровсиз кредит ажратиш тизими йўлга қўйилди.
Қадрли ёшлар!
Бугун шу юксак минбардан туриб, туманимизда ёшликка хос шижоат, жўшқинлик ва орзу-интилишларни амалий ҳаракатга айлантириб, салмоқли натижаларга эришаётган ёшлар кўпчиликни ташкил этишини таъкидламоқчиман.
Жорий ўқув йилини 293 нафар битирувчи тугатаётган бўлса, уларнинг 7 нафари муддатидан олдин талаба бўлди. 20-мактаб битирувчиси Аббос Эргашов эса бир йўла 20 дан ортиқ Америка университетларига ҳужжат топшириб талабаликни қўлга киритди. 10-мактаб ўқувчиси Диёр Ҳайдаров эса ўндан ортиқ нуфузли университетларга имтиҳон топшириб, талаба бўлди.
11-синф битирувчиларнинг сафларида 8 нафар олтин медаль, 4 нафар кумуш медаль билан мактабни тамомлаётган ўқувчиларнинг борлиги, зукко ва билимдон фарзандларимиз билан ҳар қанча фахрлансак арзийди.
3-мактабнинг 11-синф ўқувчиси Дилноза Саидмуродова, 7-мактабнинг 11-синф ўқувчиси Умида Абдуллаева, 9-мактабнинг 11-синф ўқувчилари Мейиржан Абдижалилов, Шоқан Аймаханов, Ботагоз Нуримханова, Талант Пердебеков, 18-мактабнинг 11-синф ўқувчилари Севинч Бахритдинова, Оғабек Ярашовлар мактабни олтин медаль билан тамомладилар.
18-мактабнинг 11 – синф ўқувчилари Нигина Чорибаева, Бегойим Зокирова, Мадина Абдуллаева ҳамда 10-мактабнинг 11-синф ўқувчиси Муқаддас Омонова кумуш медалга сазовор бўлди.
Фурсатдан фойдаланиб, юқорида номлари қайд қилинган битирувчиларнинг ана шундай ютуқларга эришишига катта ҳисса қўшган жонкуяр ота-оналарига, заҳматкаш устоз ва мураббийларига ҳам ўзимнинг самимий миннатдорчилигимни билдираман.
Шу ўринда туман ёшларининг спортда қўлга киритаётган ютуқларини ҳам эътироф этиб ўтиш ўринли. Куни-кеча 10-умумий ўрта таълим мактаби 8 - синф ўқувчиси Асал Шавкатова Бухоро шаҳрида самбо спортидан ўтказилган мамлакат чемпионатида муваффақиятли иштирок этди. У 65 кг вазн тоифасида ғолибликни қўлга киритиб, олтин медалга сазовор бўлди. У самбо, кураш, дзюдо бўйича 4 карра Ўзбекистон чемпиони ва совриндори Ўзбекистон терма жамоаси аъзоси ҳисобланади.
Асал Шавкатова 27 июл ва 8 август кунлари Россиянинг Владивосток шаҳрида болалар ўртасида ўтказиладиган нуфузли Осиё ўйинлари мусобақасида иштирок этиш ҳуқуқини қўлга киритди.
Қадрли ёшлар! “Ёшлар ойлиги” доирасида сизларнинг мамлакатимизда амалга оширилаётган ислоҳотларга дахлдорлик туйғусини ошириш, ташаббускор ва иқтидорли ёшларни аниқлаш, уларнинг иқтидорини намоён этиши учун кенг имкониятлар яратиш, битирувчилар ва уюшмаган ёшларнинг жамиятда муносиб ўрин топишида кўмаклашишга қаратилган юзлаб лойиҳалар, тадбирлар, мусобақалар, беллашувлар, учрашувлар бўлиб ўтмоқда. Туман ёшларининг фаол иштирокини таъкидлаш ўринли, албатта!
Саноат техникуми талабаси Феруза Бобоқандова шашка мусобақасининг республика босқичида фахрли иккинчи ўринга сазовор бўлди. “Зукко китобхон” танловининг вилоят босқичида “Узунқудуқ” овулининг “Ҳуррият” жамоаси биринчиликни эгаллаб, мамлакат босқичига йўлланмани қўлга киритди. Таълим қозоқ тилида олиб бориладиган 6-мактабнинг ўқувчи ва ўқитувчиларидан ташкил топган китобхон жамоанинг вилоятда биринчиликни эгаллани, республика босқичида Навоий вилояти шаънини ҳимоя қилиши эътирофга сазовор албатта!
Шунингдек, “Учқудуқ” газетаси ходими Дилноза Тошниёзова “Мушоира” танловининг мамлакат босқичига йўлланмани қўлга киритганлиги Учқудуқ ёшлари ҳар жабҳада фаол, билимли ва зукко эканлигидан далолатдир.
Танловнинг мамлакат босқичида Навоий вилояти шарафини ҳимоя қилишга шайланган иқтидорли ва истеъдодли ёшларимизга омадлар тилаймиз.
Ҳурматли Юртбошимиз Шавкат Миромонович Мирзиёев таъкидлаганларидек: “Сизлар том маънода юртимиз истиқболи, ёруғ келажагимиз бунёдкорисиз! Машҳур шоиримиз Эркин Воҳидов айтанидек, ёшликдаги куч-ғайратни эл-юртига бахш этган йигит-қиздан Ватан ҳам, халқ ҳам, ёшликнинг ўзи ҳам рози бўлади”!
Барчангизни ана шундай улкан бахт ва шараф насиб этсин! Ишонаманки, Сиздай шижоатли, ғайратли, ватанпарвар ёшларимиз бор экан, юкимиз ҳеч қачон ерда қолмайди. Кўзлаган юксак марраларимизни дадиллик билан забт этаверамиз!
Азиз ёшлар, Сизларни яна бир бор бугунги байрам - ёшлик, шижоат, куч-қудрат ва матонат айёми билан, чин қалбимдан муборакбод этаман!
Ўқиш ва ишларингизда, оилавий ҳаётингизда улкан муваффақиятлар тилайман!
Парвозингиз, интилишларингиз бундан ҳам сарбаланд бўлаверсин!
Юртимиз тинч, халқимиз соғ-саломат, эзгу ниятларимиз ижобат бўлсин.
Эътиборингиз учун рахмат!
Учқудуқ туман ҳокими Хамроев Соли Фармоновичнинг 1 июнь – Халқаро болаларни ҳимоя қилиш куни муносабати билан йўллаган табриги
Қадрли фарзандларим, азиз ўғил-қизларим!
Болалик инсон умрининг гўзал ва беғубор фасли, улкан орзу-умидлар, беқиёс имкониятлар даври. Шуни чуқур ҳис этган ҳолда Сиз, навниҳол фарзандларимизга энг эзгу тилакларимни изҳор этаман. Шу фурсатда фойдаланиб, Сизлар ҳаётимиз мазмуни, эртанги кундан умидимиз ва орзуларимиз рўёби эканлигингизни таъкидлаб, 1 июнь – Халқаро болаларни ҳимоя қилиш куни чин қалбимдан табриклайман!
Тараққийпарвар давлатлар ҳаётидан мустаҳкам ўрин эгаллаган бу байрам давлатимиз, халқимиз ўз фарзандларининг бахти ва камоли учун ҳеч нарсани аямаслигини, мамлакатимиз ёшлари ҳам Ватанимиз равнақи учун хизмат қилишни ўз ҳаётининг мазмуни деб билишини яққол ифода этмоқда.
Болаларнинг қонуний ҳуқуқ ва манфаатларини таъминлаш юртимизда давлат сиёсати даражасига кўтарилиб, доимо эътиборимиз марказида бўлиб келмоқда. Айниқса, Республикамиз Президентининг ўтган йилнинг 29 майидаги “Бола ҳуқуқларини ҳимоя қилиш тизимини такомиллаштириш бўйича қўшимча чора-тадбирлар тўғрисида”ги қарори мамлакатимизда Бола ҳуқуқлари, эркинликлари ва қонуний манфаатларини ҳимоя қилиш тизимини янада такомиллаштириш, бола ҳуқуқларининг кафолатларини таъминлаш ва ушбу соҳадаги халқаро мажбуриятларни бажаришнинг таъсирчан тизимини яратиш йўлида чинакам тарихий ҳужжат бўлди.
Ҳақиқатан ҳам, бу дунёнининг барча қувончи бир бола кўзида халқаланган бир томчи ёш, барча қайғуси бир гўдак лабидаги ним табассумга арзимайди. Шу сабабдан ҳам статистик маълумотларнинг аксарияти болаларга нисбатан олиниб, “жумладан фалон фойизи болалар” иборасига тез-тез дуч келамиз. Бошқачароқ ифодаласак бугун дунёда 1 миллиардга яқин одам оч-наҳор кун кечираётган бўлса шунинг 25 фойизини болалар ташкил этади. Ёки одам савдосидек жирканч иллатдан ҳар йили ўн миллионга яқин бола жабр кўрмоқда. Бундай рақамларни яна кўплаб келтиришимиз мумкин.
Хулоса шуки бола Ер юзида аҳолининг ҳимояга муҳтож қатлами. Айни чоғда у ҳаёт абадийлигининг тантанаси. Унга бўлган эътибор, ғамхўрлик ва рағбат эртанги кун, ўз келажагимизга бўлган эътибор демакдир.
Бола қалби беғубор. Умр остонасидаги бу дамларда шаклланган фазилат, хислат ва умуминсоний қадриятлар пировардида жамият комиллигининг кафолати ҳисобланиб, мамлакатимизда баркамол авлод тарбиясига давлат миқёсида қаратилган эътиборнинг моҳияти ҳам шунда мужассам. Бугун мамлакатимизда бунёд этилган ва этилаётган таълим даргоҳлари, спорт мажмуалари, шифо масканлари ҳамда бир қатор маданий маиший иншоотлар, марказлар ва уларнинг энг сўнгги авлод технологиялари билан жиҳозланиши шу сиёсат самараси бўлиб, аксарияти болалар учун мўлжалланган.
Шу ўринда сўнгги йилларда туманимизда 17 та мактабгача давлат ва нодавлат таълим, 2 та умумтаълим мактаби, спорт-соғломлаштириш иншоотлари, маданият даргоҳларининг янгидан қурилиб фойдаланишга топширилганлиги фикримизнинг яққол далилидир.
Яна бир жиҳат ногирон ва вақтинча саломатлигини йўқотган болалар манфаатига қаратилиб, шу асосда уларнинг таълим олиш ҳуқуқлари таъминланиб, бунинг учун шарт-шароитлар такомиллаштирилаётганлиги эътиборга молик. Буни туманимиз мисолида кузатадиган бўлсак уларга ҳар томонлама кўмак берилиб, бу борада ибратомуз тадбирлар амалга оширилмоқда. Бугун туманимиз бўйича 31 нафар боланинг уйда таълим орқали тенгдошлари қаторида эканлиги фикримизнинг ёрқин далилидир.
Таъкидлаш жойизки юртимизда келажак авлод камолоти билан боғлиқ оддий нигоҳларимиз илғамайдиган жараёнлар ҳам кечмоқдаки улар “Йод танқислиги касалликлари олдини олиш тўғрисида”ги ҳамда “Ҳомийлик тўғрисида”ги қонунларда ўз ифодасини топган. “Болалар ҳуқуқлари кафолатлари тўғрисида”ги қонун эса бу борада ижтимоий ҳимоя сиёсати изчиллигининг амалдаги тасдиғидир.
Дарҳақиқат бола ҳуқуқи инсон ҳуқуқларининг ажралмас қисми ҳисобланиб, у ҳам кенг миқёсдаги маърифий тадбирлар, турли даражадаги беллашувлар, танлов, фестивал бошқа анжуманлар орқали ўз самарасини оширмоқда. Биргина жорий йилда туманимиздан 30 нафардан зиёд тенгқурларингизнинг Халқаро ва Республика миқёсидаги турли мусобақа ва танловларда ғолиб бўлганлиги ҳурматли Президентимизга барча ғамхўрликлари учун Сиз болаларнинг миннатдорчилиги рамзи деб қабул қиламиз. Зеро, буларнинг барчаси мамлакатимизда муҳтарам Юртбошимизнинг болаларга оталарча ғамхўрлиги самарасидир.
Азиз болажонлар!
Сизларни яна бир бор Халқаро болаларни ҳимоя қилиш куни билан қутлаб, мустаҳкам соғлиқ тилайман! Ёзги таътилларингиз мароқли ва ёрқин хотираларга бой ўтсин!
Эътиборингиз учун рахмат!
Учқудуқ туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Муратов Нурладин Мустафаевич иштирокида БРИФИНГ!!!
Ассалому алайкум ҳурматли брифинг қатнашчилари!
Қадрли ижтимоий тармоқ кузатувчилари!
Учқудуқ туманида “Ёшлар дафтари” га киритилган ёшларга кўрсатилаётган кўмак, улар билан олиб борилаётган амалий ишлар ҳамда “Ёшлар жамғармаси” маблағларининг манзилли сарфланиши юзасидан маълумот бериб ўтаман!
Туманда “Ёшлар дафтари”га киритилган ёшлар билан ишлаш, уларнинг бандлигини таъминлаш, бўш вақтларини мазмунли ўтказиш, маданият, спорт, ахборот технологиялари ва китобхонликка кенг жалб этиш ҳамда ёшларни ватанпарварлик руҳида тарбиялаш ва ижтимоий-маънавий муҳит барқарорлигини таъминлашга алоҳида эътибор қаратилиб келинмоқда.
2022 йил давомида “Ёшлар дафтари”га киришни сўраб, 547 та онлайн аризалар келиб тушган. Шундан 472 та ариза ёшлар томонидан туғридан тўғри топширилган, 14 таси кол-марказлари 13 таси секторлар орқали, 64 нафари ёшлар етакчилари орқали аризалар қабул қилинган.
536 та аризадан 328 таси ёки 60 фоизи тасдиқланиб, 218 та ёки 40 фоиз ариза рад этилган.
Ёшлар жамғармасига 2022 йил бошидан буён 1,639 млрд сўм пул маблағлари ажратилган. Шундан вилоят бюджетининг орттириб бажарилган қисмидан ажратмалар 701,4 млн. сўмни, туман бюджетидан ажратилган маблағ 792,4 млн сўмни, мажбурий ижро бюросидан ўтказилган маблағ 143,6 млн сўмни ташкил этади.
“Ёшлар дафтари”га киритилган ёшлар 342 нафарни ташкил этади. Шундан 342 нафарига турли йўналишларда ёрдам кўрсатилди.
Жумладан, ёшларнинг 2 нафарига кредит олишда амалий ёрдам кўрсатилган, 37 нафар ёшларнинг бандлиги таъминланган, 58 нафар ёшларга ўзини-ўзи банд қилиши учун субсидия асосида асбоб-ускуналар олиб берилган. 121 нафар ёшларга олий ва ўрта-махсус таълим йўналишида тўлов шартнома маблағлари тўлаб берилган. 52 нафарига субсидия асосида сафарбарлик чақирув резерви ҳизмати харажатлари тўлаб берилди.
“Келажак касблари” лойиҳаси доирасида 26 нафар ёшларнинг замонавий касбларга ўқиш курс пуллари тўлаб берилди. 4 нафарининг ҳайдовчилик гувоҳномасига ўқиш харажатларининг 75 фоизи яъни 1,5 млн сўм маблағи қоплаб берилди. 7 нафар ёшларга бир марталик моддий ёрдам маблағлари тўлаб берилган. Шунингдек 21 нафар ёшларга бошқа йўналишларда амалий ёрдамлар кўрсатилган.
Бугунги кунда “Ёшлар дафтари”да ёшлар мавжуд эмас.
342 нафар “Ёшлар дафтар”ига киритилган ёшларнинг
76 нафари ёки 22, 5 фоизи нафари 1-сектор, 107 нафари ёки 31 фоизи 2-сектор, 72 нафари ёки 21 фоизи 3-сектор, 87 нафари ёки 26 фоизи 4-сектор ҳиссасига тўғри келади.
Бугунги кунда 1-сектор ҳудудида истиқомат қилувчи 76 нафар 2-сектор ҳудудида истиқомат қилувчи 107 нафар ёки 3-сектор ҳудудида истиқомат қилувчи 72 нафар, 4-сектор ҳудудида истиқомат қилувчи 87 нафар ёки 100 фоиз ёшларга амалий ёрдам кўрсатилган ҳолда “Ёшлар дафтар” идан чиқарилган.
Ёш авлоднинг истеъдод ва қобилиятларини рўёбга чиқариш мақсадида 2022 йил давомида турли маънавий-маърифий тадбирлар, спорт мусобақалари, кўрик-танловлар ҳамда интеллектуал ўйинлар ўтказилди.
“Беш ташаббус олимпиадаси 1-мавсум”, “Беш ташаббус олимпиадаси 2-мавсум” лойиҳаси доирасида ўтказилган тадбирлар фикримизнинг ёрқин далилидир. Унда 10 000 дан ортиқ туманимиз ёшлари қамраб олинди.
Тумандаги барча маҳаллаларда стол тенниси, шахмат-шашка, волейбол, енгил атлетика, стритбол, миллий кураш сингари спортнинг 14 туридан мусобақа ва беллашувлар ўтказилди.
Шунингдек, халқ ва замонавий чолғу асбоблари танлови, ёшлар “Рақс” фестивали, “Қувноқлар ва зукколар”, “Заковат” интеллектуал ўйини ташкил этилиб, ёшларимиз ўз иқтидор ва истеъдодларини намойиш этишди.
14 январ - “Ватан ҳимоячилари куни” муносабати билан туркум маънавий-маърифий тадбирлар, учрашувлар, давра суҳбатлари ўтказилди. “Темурбеклар”, “Шунқорлар” ҳарбий - спорт мусобақалари ташкил этилди. Мазкур тадбирларда 1000 нафардан ортиқ ўқувчи-ёшлар иштирок этишди.
“Беш ташаббус олимпиадаси” нинг 1-мавсумида “Мустақиллик” МФЙ дан Бобоқандова Феруза Республика босқичида иштирок этиб, шашка мусобақасида фахрли 2-ўринни эгаллади. Бобоқандова Марғуба эса шахмат мусобақасида вилоятда
1-ўринни эгаллаб, Республика босқичида муваффақиятли иштирок этиб қайтди.
“Узунқудуқ” жамоаси “Зукко китобхон” интеллектуал танловининг вилоят босқичида 1-ўринни эгаллаб, Республика босқичида Навоий вилояти шарафини ҳимоя қилди.
“Беш ташаббус олимпиадаси” 2-мавсумда “Навоий” МФЙ да яшовчи Амиров Маьруф стол тенниси мусобақаларининг вилоят босқичида 1-ўринни эгаллаб, Республика босқичида иштирок этди.
“Абай” МФЙ ёшларнинг ташкил топган стритбол жамоаси беллашувларнинг вилоят босқичида 1-ўринни эгаллаб, Республика босқичининг “А” лигасида муваффақиятли иштирок этди.
“Айтим” МФЙ ёшларидан иборат стритбол жамоаси мусобақаларнинг вилоят босқичида 1-ўринни эгаллаб, Республика босқичининг “С” лигасида иштирок этиб, фахрли 2 - ўринни эгаллаб қайтишди.
“Абай” МФЙ дан Амирова Вазира шашка мусобақасида вилоят босқичида 1-ўринни эгаллаб, Республика босқичининг “С” лигасида иштирок этиб, фахрли 1 - ўринни эгаллагани учқудуқлик ёшларнинг ҳар жабҳада фаол эканликларини билдиради.
“Айтим” МФЙ да яшовчи Турсинова Барчиной шашка мусобақасида вилоят босқичида 1-ўринни эгаллаб, Республика босқичининг “А” лигасида иштирок этди.
Жорий йилнинг 15-26 декабрь кунларида Учқудук туманидаги 14-30 ёшлар “Хатирчи тумани тажрибаси” мисолида хатловдан ўтказилди. Маҳалладаги бешлик уйма-уй юриб, 11 201 та хонадондан 14-30 ёш тоифасидаги фуқаролар билан сўровнома тўлдириб чиқилди. Хатлов натижаларига кўра 8737 нафар ёшлар анкеталари шакллантирилди.
Шундан; 4533 нафар ўғиллар, 4204 нафари қизлардан иборат.
2023 йилда - “Ёшлар дафтари” га тавсия қилинган ёшлар 95 нафарни ташкил қилиб, бугунги кунда турли йўналишлар бўйича ёрдам кўрсатилиши белгилаб олинди.
Илм-фан, маданият ва спорт шоҳсупаларида байроғимизни баланд кўтараётган ўғил-қизларимиз, шижоатли ёшларимизга янги-янги зафарлар тилайман. Улар бизнинг фахримиз-ғуруримиздир.
Барчангизни, кириб келаётган Янги йил байрами билан чин қалбимдан самимий табриклаб, сиҳат-саломатлик, файзу барака, оилавий бахт тилайман.
Эътиборингиз учун ташаккур!
Assalomu alaykum, muxtoram fahriylar!
Aziz tumandoshlar !
Tumaningizning axlini 9 may - Xotira va qadrlash bayrami barcha belgilari, 1941-1945
Bugun barchamiz avvalo buyuk Galabaga beqiyos hissa qo'shgan, mana shu yorug' kunlarga etib kelolmagan aziz insonlarni yod xususiyatlari, hujjat xotirasi, pok ruhlari oldida ta'minlaymiz. Shafkatsiz urushda, mashakkatli mehnat frontida mardlik va zhasorat ko'rsatgan barcha faxriylarimizga yuksak hurmat va e'tirar, chuqur minnatdorchilik barpo etamiz.
Aziz Nuroniy otaxonlar va onaxonlar!
Муҳтарам Юртбошимиз Шавкат Миромонович Мирзиёев айтганларидек: “Минг-минглаб жасур ота-боболаримиз дунёдаги кўплаб халқлар қаторида бу мудҳиш урушда чинакам қаҳрамонлик кўрсатдилар. Бу сўнмас жасорат, неча йилдирки, биз учун мардлик мактаби, ғурур-ифтихор манбаи бўлиб келмоқда ва бундан кейин ҳам шундай бўлиб қолади..”
Инсоният тарихидаги энг даҳшатли бу урушда икки миллионга яқин Ўзбекистон фуқароси қатнашган. Уларнинг ярим миллиондан зиёди ҳалок бўлган, 133 минг нафарга яқини бедарак йўқолган. 60 мингдан ортиқ ватандошимиз эса урушдан ногирон бўлиб қайтган.
Уларнинг сафида 421 нафар Учқудуқнинг мард ўғлонлари елкама-елка туриб қонли жангларда фашизм устидан қозонилган ғалабага ўз ҳиссаларини қўшишди.
Бу мудҳиш урушда уларнинг 172 нафари айни навқирон ёшида ҳалок бўлганини эслаш ниҳоятда оғир, албатта! Бугун мана шундай инсонлар хотираси олдида бош эгамиз. Уларнинг буюк жасорати дилларимизда мангу яшайди.
Дарҳақиқат, Хотира, хотирлаш ҳақида гапирар эканмиз, бу тушунчани Қадрлаш тушунчасидан ажратиб бўлмайди. Зеро, бугунги эркин ва фаровон ҳаётимизни кўз қорачиғидек асраш билан биргаликда Ватан озодлиги йўлида қурбон бўлган фидоий инсонларни ёдга олиш, уларнинг хотирасини абадийлаштириш, сўнмас жасоратини хотирамизда мангу сақлаш, инсоннинг тириклигида қадрига етиш биз учун ҳам фарз, ҳам қарздир!.
Бугун буюк аждодлар издоши эканлигимизни чуқур ҳис этган ҳолда, бу ёруғ кунларга етиш учун қурбон бўлганлар руҳини шод, хотирасини ёд этишни, мўътабар кексаларимиз дуосини олишни энг муҳими, тинчлик ва осойишталикнинг қадрига етишни, истиқлол берган имкониятларни асраб-авайлашни ўзимизнинг муқаддас бурчимиз эканини ҳеч қачон унутмаслигимиз зарур.
Учқудуқ тумани марказидаги “Хотира” хиёбонида Иккинчи жаҳон урушида фашизмга қарши жангларда қатнашиб, жасорат кўрсатган ва ҳалок бўлган 172 нафар учқудуқлик мард ўғлонларнинг хотирасини абадийлаштириш мақсадида пешлавҳа ташкил қилинди. Уларнинг исми шарифи ушбу пешлавҳага ўйиб ёзилди.
Ҳозирда ушбу маскан ўқувчи-ёшларнинг муқаддас бир гўшасига айлангани ўсиб келаётган ёш авлолднинг ўз тарихига ота-боболарининг жасоратига бўлган қизиқишларидан далолат беради.
Айни кунларда туманимизда 2 нафар уруш орти меҳнат фахрийлари Бородулина Александра Федоровна, Криванюк Анна Ивановналар эл-юрт ардоғида истиқомат қилмоқдалар.
Бугунги айёмнинг яна бир муҳим жиҳати шундаки, у бизни авваламбор сафимизда тетик бўлиб юрган жуда оз сонли фронт орти меҳнат фахрийларини қадрлаб, уларга меҳр-оқибат кўрсатиб яшашга, муҳтарам нуронийларимизнинг ҳаётини мазмунли қилиш ҳамда умрини узайтиришга, уларга нафақат мана шундай байрам шодиёналарида, балки ҳар куни, ҳар соатда ғамхўрлик ва меҳрибонлик кўрсатишга ундайди.
Қадрли тадбир иштирокчилари!
Муҳтарам Президентимиз Шавкат Миромонович Мирзиёевнинг 2022 йил 29 апрелдаги “Иккинчи жаҳон уру-ши қатнашчиларини рағбатлантириш тўғрисида”-ги Фармонида белгилаб берилган вазифа-лар асосида фашизм устидан қозонилган ғала-банинг 77 йиллиги муносабати билан Иккинчи жаҳон уруши қатнашчиларига тантанали тарзда Юртбошимизни табриклари, бир марталик ўн беш милли-он сўм миқдоридаги пул мукофоти берилмоқда.
Бундан ташқари, 1941-1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда – ойига 3 080 000 сўм қилиб белгилаб қўйилди.
Мамлакатимизда “Янги Ўзбекистон – халқчил ва инсонпарвар давлат” ғоясини амалга оширишга алоҳида эътибор қаратилиб, “Инсон қадри учун” деган устувор тамойил тўлақонли рўёбга чиқарилмоқда.
Бу борада гапирганда, аҳоли турмуш даражасини оширишга қаратилган чора-тадбирлар изчиллигини таъминлаш, фуқароларни ижтимоий ҳимоя қилиш ва моддий қўллаб-қувватлаш мақсадида яна бир Ўзбекистон Республикаси Президенти фармони қабул қилинди. Унга кўра, 1 майдан бошлаб ёшга доир, ногиронлик ва боқувчисини йўқотганлик пенсиялари миқдори 12 фоизга оширилмоқда.
Фармон билан зарур иш стажига эга бўлмаган кекса ёшдаги фуқароларга 500 000 сўм пенсия тайинлаш, боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори – ойига 500 000 сўм этиб белгилансин ва кейинги ҳар бир меҳнатга қобилиятсиз оила аъзоси учун – 185 000 сўмдан қўшиб ҳисобланадиган бўлди.
Ижтимоий ҳимояга муҳтож оилаларни қўшимча қўллаб-қувватлаш ҳамда уларнинг ижтимоий-иқтисодий аҳволи оғирлашишининг олдини олиш мақсадида “Ижтимоий ҳимоя ягона реестри” ахборот тизими орқали 2022 йил 1 апрелга қадар нафақа ва моддий ёрдам тайинлаш учун маълумотларнинг хато тақдим этилиши, киритилиши ва техник сабаблар туфайли фуқароларга ортиқча тўланган суммалар ҳисобдан чиқарилмоқда.
Ҳар йили ноябрь ойида “Кексалар туризм ойлиги” дея эълон қилиниб, кексалар ойлигини муносиб ўтказиш, уларнинг дам олишларини мароқли ташкил этиш ҳамда ички туризмни ривожлантириш мақсадида Республикадаги 223 та меҳмонхоналар ва меҳмон уйлари хизматлари учун - 50 фоизгача, 204 та умумий овқатланиш масканларидаги хизматлар учун 20 фоизгача ихтиёрий чегирмалар жорий этилган.
Шунингдек, 1-30 ноябр кунлари Республика ичидаги авиақатновларда 60 ёшдан юқори эркаклар ва 55 ёшдан юқори бўлган аёллар учун жорий нархларга 25 фоиз миқдорда ихтиёрий чегирмалар жорий этилган.
Бундан ташқари, ноябр ойида “Ўзбекистон темир йўллари” АЖ томонидан мамлакат ичидаги амалда-ги тарифларга 10 фоиз миқдорда чегирмалар амал қилади.
Шу билан бирга, кексаларни зиёратгоҳ ва маданий мерос объектларига кириш учун Ўзбекистон Мусулмонлар идораси ҳузуридаги “Вақф” хайрия жамоат фонди томонидан Тошкент шаҳри, Самарқанд ва Хоразм вилоятларидаги 6 та зиёратгоҳга нафақа ва кекса ёшдаги фуқаролар учун 50 фоиз миқдорида чегирмалар белгиланган.
Маданий мерос агентлиги томонидан Қорақалпоғистон Республикаси, Бухоро, Қашқадарё, Самарқанд, Сирдарё ва Хоразм вилоятларидаги 24 та маданий мерос объектларига кириш учун 20 фоиз миқдорда чегирмалар жорий этилган.
Ҳурматли тадбир иштирокчилари!
Жонажон Ўзбекистонимиз эришаётган, дунё тан олаётган марралар, халқимиз қўлга киритган улкан натижаларнинг негизида турган асосий омил мустақиллик даврида одамларимизнинг дунёқараши, ҳаётга, меҳнатга, ўз касбига бўлган муносабати кескин ўзгариб бораётганида яққол намоён бўлмоқда.
Ana shu yordamni imkon ado etishda muhtaram fahriylarimizning zhasorati, shonli ananalari, hech shubhasiz, biz uchun hamisha ibrat blib hizmat kiladi.
Ainiksa, sizlar barcha ishlarimizda dono maslahatguy, togdek tayanch bulib, halqimizni rozi kilish yo'lidagi yutuqlarimizga o'z amali ishlingiz, duolaryngiz bilan madad berib kelmoqdasiz. Biz buni yuksak kadrlamiz, sizlar bilan cheksiz faxrlanamiz!
Fursatdan yana musaffo, bugungi kunda tinch va ozod, erkin hayotimiz, sizlarga bir bor minnatdorchilik bildiraman.
Barchangizga sikhat-salomatlik, baxt-saodat, xonadonla-ringizga kut-baraka tilaiman. Doimo hayotimizga foiz berib, el-yurtimiz ardogida bulib yurishingizni Yaratgandan suraiman.
Baxtimizga hamisha omon bo'ling!
Yurtimiz tinch, osmonimiz mousaffo, mustaqilli-gimiz abadiy bulsin!
Etiboringiz uchun rahmat!
Ассалому алайкум аҳли жамоа!
Қадрли учқудуқликлар!
Сиз азизларни мўмин-мусулмонларини ва бутун учқудуқликларни ер юзидаги ислом уммати томонидан кенг нишонланаётган улуғ ва муборак айём – Рамазон ҳайити билан чин қалбимдан самимий табриклайман.
Барчамиз учун инсонпарварлик, сабр-қаноат, хайру саховат ва шукроналик тимсоли бўлган ушбу қутлуғ байрам кунларида энг яхши эзгу-тилакларимни билдираман.
Ўзининг миллий урф-одат ва анъаналарига содиқ, меҳнаткаш ва саховатли туманимиз фуқаролари ана шундай юксак фазилатларни яққол намоён этиб, муқаддас Рамазон ойини тинчлик ва осойишталик, ўзаро ҳурмат ва ҳамжиҳатлик муҳитида ўтказгани ҳамда ушбу эъзозли айёмни бугун шоду хуррамлик билан кутиб олаётгани Ийд ул - Фитр байрамига алоҳида файзу шукуҳ бағишламоқда.
Муборак Рамазон ҳайити моҳиятида мужассам бўлган хайру саховат, меҳр-оқибат, инсонпарварлик сингари азалий анъана ва қадриятларимизни асраб-авайлаш ҳамда кенг тарғиб этиш, халқимизнинг эзгу ният ва орзу-интилишларини қўллаб-қувватлаш мақсадида 30 апрелда ҳурматли Президентимизнинг “Рамазон ҳайитини нишонлаш тўғрисида”ги қарори қабул қилинди.
Унга кўра, жорий йилда Рамазон ҳайитининг биринчи куни 2 май – душанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, мамлакатимизда 2022 йил 2 май куни Рамазон ҳайити байрами сифатида кенг нишонланади. 3 - 4 май кунлари қўшимча дам олиш кунлари сифатида белгиланди.
Муборак Рамазон ҳайити кунларида мўътабар зиёратгоҳлар ва тарихий қадамжоларга зиёратларини ташкил этиш мақсадида 2 майдан 4 майгача амалга ошириладиган маҳаллий авиақатновларнинг барча тарифларига 50 фоиз чегирма жорий қилинган.
Шунингдек, «Ўзбекистон темир йўллари» АЖ томонидан эса Рамазон ҳайити байрами арафасида йўловчиларга янада кўпроқ қулайлик яратиш мақсадида 3-, 4-, 5 май кунлари юқори тезликда ҳаракатланувчи «Афросиёб» поездининг қўшимча қатнови йўлга қўйилади.
«Вақф» хайрия жамоат фонди тасарруфидаги пуллик кириш чипталари жорий қилинган маданий мерос объектлари зиёратгоҳ ва қадамжоларда 30 апрель—1-, 2-, 3-, 4 май саналарида Ўзбекистон фуқаролари учун кириш чипталар нархига катталар учун 20 фоиз ҳамда ёшлар учун 50 фоиз чегирмалар жорий қилинди.
Шу билан бирга, республика бўйлаб жойлашган музейлар, меҳмонхоналар, овқатланиш шохобчалари томонидан ихтиёрий чегирмалар тақдим этилмоқда.
Бугунги кунда кенг кўламли ислоҳот ва туб ўзгаришлар натижасида янгиланиб бораётган юртимизда халқ билан мулоқот, инсон ҳуқуқ ва манфаатларини, жумладан, виждон эркинлигини таъминлаш давлат сиёсати даражасига кўтарилиб, бу борада улкан чора-тадбирлар амалга оширилмоқда.
«Рамазон ойи – сахийлик, меҳр-оқибат ва бағрикенглик ойидир. Бу қутлуғ айёмда меҳр-шафқатли, кечиримли бўлиш ҳаммамиз учун ҳам фарз, ҳам қарз» — деди давлатимиз раҳбари.
Шу муносабат билан, Рамазон ҳайити арафасида Президент адашиб жиноятга қўл урган, лекин айбини чуқур англаб, тузалиш йўлига қатъий ўтган 65 нафар фуқарони афв этиш бўйича фармонни имзолади.
Мутасаддиларга ушбу фуқаролар байрамни ўз уйида, яқинлари бағрида кутиб олишлари учун барча шароитларни яратиш бўйича топшириқлар берилди.
Шу билан бирга, вилоят, туман ва шаҳар ҳокимлари, сектор раҳбарлари олдига байрам юқори савияда ўтишини таъминлаш вазифаси қўйилди.
«Улуғ мутафаккир Мир Алишер Навоий бобомиз айтганларидек, одамларнинг дардига дармон бўлиш – инсонийликнинг олий намунаси эканини унутмаслигимиз, бундай эзгу иш услуби бизнинг нафақат хизмат вазифамиз, шу билан бирга, виждоний бурчимизга айланиши керак», — деди ҳурматли давлатимиз раҳбари Ш.Мирзиёев.
Аҳоли турмуш даражасини оширишга қаратилган чора-тадбирлар изчиллигини таъминлаш, фуқароларни ижтимоий ҳимоя қилиш ва моддий қўллаб-қувватлаш мақсадида жорий йил 29 апрелдаги Ўзбекистон Республикаси Президентининг фармонига 1 майдан бошлаб ёшга доир, ногиронлик ва боқувчисини йўқотганлик пенсиялари миқдори 12 фоизга оширилмоқда.
Шунингдек, пенсияни ҳисоблашнинг базавий миқдори – ойига 324 000 сўм, ёшга доир энг кам пенсия миқдори – ойига 633 000 сўм, ногиронлик пенсиялари, жумладан, иш стажи тўлиқ бўлмаган чоғдаги ногиронлик пенсиясининг энг кам миқдори – ойига 698 000 сўм, меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа миқдори – ойига 698 000 сўм қилиб белгиланди.
Бундан ташқари, 1941-1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда – ойига 3 080 000 сўм қилиб белгилаб қўйилди.
Фармон билан зарур иш стажига эга бўлмаган кекса ёшдаги фуқароларга 500 000 сўм пенсия тайинлаш, боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори – ойига 500 000 сўм этиб белгилансин ва кейинги ҳар бир меҳнатга қобилиятсиз оила аъзоси учун – 185 000 сўмдан қўшиб ҳисобланадиган бўлди.
Ижтимоий ҳимояга муҳтож оилаларни қўшимча қўллаб-қувватлаш ҳамда уларнинг ижтимоий-иқтисодий аҳволи оғирлашишининг олдини олиш мақсадида “Ижтимоий ҳимоя ягона реестри” ахборот тизими орқали 2022 йил 1 апрелга қадар нафақа ва моддий ёрдам тайинлаш учун маълумотларнинг хато тақдим этилиши, киритилиши ва техник сабаблар туфайли фуқароларга ортиқча тўланган суммалар ҳисобдан чиқарилмоқда.
Мамлакатимизда 9 май умумхалқ байрами – Хотира ва қадрлаш кунини кенг нишонлаш, Иккинчи жаҳон урушида ҳалок бўлган аждодларимиз хотирасига чуқур ҳурмат бажо келтириб, фашизмга қарши жангларда, меҳнат фронтида жонбозлик кўрсатган фахрийларимизга алоҳида эътибор ва эҳтиром кўрсатиш, ёшларни маънавий-ахлоқий жиҳатдан тарбиялашга ҳисса қўшаётган фахрийларни эъзозлаш ҳамда уруш қатнашчилари ва ногиронларини моддий рағбатлантириш мақсадида куни-кеча Ўзбекистон Республикаси Президентининг яна бир фармони эълон қилинди.
Унга кўра, Иккинчи жаҳон уруши қатнашчилари ва ногиронларининг ҳар бирига 15 000 000 сўм миқдорида бир марталик пул мукофоти берилмоқда.
Юртимизда бой ва қадимий диний-маънавий меросимизни тиклаш ва фаол тарғиб этиш, табаррук қадамжоларни обод қилиш бўйича олиб борилаётган салмоқли ишларни таъкидлаш ўринли.
Қашқадарё вилоятида – калом илмининг атоқли намояндаси Абу Муин Насафий, Наманган вилоятида – тасаввуф таълимотининг йирик вакили Султон Увайс Қараний, Тошкент шаҳрида Сузук ота, Самарқандда буюк муҳаддис Имом Бухорийнинг ёдгорлик мажмуалари бунёд этилгани сўзимизнинг яққол далилидир.
Шу жумладан, Учқудуқ туманида ҳам Қанарбой ота, Бедер ота, Қошқар ота, Ерлер ота сингари муқаддас қадамжоларда таъмирлаш, ободонлаштириш ишлари олиб борилмоқда.
Дарҳақиқат, Рамазон ойи фазилатларга бойдир. Унинг фазилатларидан бири ой давомида хуфтон намозидан кейин таровеҳ намози ўқилиши бўлиб, учқудуқлик намозхонлар учун “Қизилқум” жомеъ-масжидида таровеҳ намозларини ўқишлари учун барча шарт-шароит ва қулайликлар яратилди.
Азиз тумандошлар!
Ислом дини – аввало, тинчлик ва дўстлик, аҳиллик ва бирдамлик, билим ва маърифат динидир.
Жамиятимизда ҳукм сураётган турли миллатлар ва элатлар, диний конфессиялар ўртасидаги бағрикенгликни, фуқаролар орасидаги ўзаро ҳурмат, меҳр-оқибат муҳитини янада мустаҳкамлаш, бугунги осуда ҳаётимизнинг қадрига етиш барчамизнинг асосий бурчимиздир.
Маърифатпарвар бобомиз Маҳмудхўжа Беҳбудийнинг “Дунёда турмоқ учун дунёвий фан ва илм лозимдур”, деган сўзлари бугун ҳам долзарб аҳамиятга эга.
Шунинг баробарида фарзандларимизни ҳаётга эндигина кириб келаётган ёш авлодни Ватанга муҳаббат, умуминсоний қадриятларга ҳурмат, элу-юрт фаровонлигига муносиб улуш қўшадиган етук ва баркамол инсонлар қилиб тарбиялашимиз муҳим аҳамиятга эга.
Муборак ҳадисларда Пайғамбаримиз (соллаллоҳу алайҳи ва саллам): “Уч кишининг дуоси қабулдир: отанинг фарзандига қилган дуоси, мазлумнинг дуоси ва мусофирнинг дуоси”, деганлар. Ота-она бундай неъмат ва имкониятдан унумли фойдаланиши ва фарзандларининг келажакда солиҳ ва тарбияли инсон бўлиб камол топишини Аллоҳдан сўраши лозим!
Расулуллоҳ (соллаллоҳу алайҳи васаллам) яна бир ҳадисларида: “Болаларингизга одоб беринглар ва одобларини чиройли қилинглар”, «Ота болага гўзал одобдан яхшироқ нарсани бера олмайди», дея марҳамат қилганлар.
Ҳурматли имом-хатибларимиз, ота-оналар, устоз-мураббийлар, муҳтарам нуронийларимиз яқин ҳамкорликда бу борада янада фаол ва самарали иш олиб борадилар, деб ўйлайман.
Қадрли учқудуқликлар!
Аллоҳ таолонинг марҳамати ёғиладиган ушбу барокатли ва нурафшон кунда сизларни яна бир бор азизу мукаррам байрам -Рамазон ҳайити билан чин қалбимдан табриклайман.
Моҳи Рамазонда қилган барча эзгу ният ва дуоларимиз ижобатини берсин, Аллоҳим!
Жонажон Ватанимизни, барча-барчамизни Яратганнинг Ўзи паноҳида асрасин!
Осмонимиз мусаффо, тинчлигимиз ва мустақиллигимиз абадий бўлсин!
Рамазон ҳайити барчамизга муборак бўлсин!
Учқудуқ тумани ҳокими Хамроев Соли Фармонович билан туманда “ЯШИЛ МАКОН” умуммиллий лойиҳаси доирасида амалга оширилаётган ишларда фаол қатнашишга доир МУРОЖААТИ!!!!
Ассалому алайкум, ҳурматли учқудуқликлар!
Бугун Сизга юртимизни, жонажон ватанимизни, яшаб турган масканимизни тоза, озода, кўркам ҳудудга айлантиришда ҳар биримиз масъул эканлигимизни англаган ҳолда Сиз ҳурматли Учқудуқ тумани аҳолисига мурожаат билан чиқмоқдаман.
Хабарингиз бор, жорий йилнинг 2 ноябрь куни ҳурматли Президентимиз Шавкат Миромонович Мирзиёев раҳбарлигида ўтказилган видеоселектор йиғилишида аҳоли яшаш шароитларини яхшилаш, шунингдек, ободонлаштириш, кўкаламзорлаштириш ва она табиатни асраш учун кўчат экиб, боғ яратиш, ҳавомиз мусаффолигини сақлаш борасида дарахт экиш умуммиллий акцияси эълон қилинди.
Давлатимиз раҳбарининг қарорига кўра “Яшил макон” умуммиллий лойиҳасини татбиқ этиш ҳамда дарахтларни экиш, парваришлаш ва кўкаламзорлаштириш тизимини самарали ташкил этиш мақсадида “долзарб 40 кунлик” эълон қилинди.
Лойиҳа доирасида 2021 йил куз ва 2022 йил баҳор мавсумларида «1 миллион дарахт» ташаббуси доирасида дарахт ва бута кўчатларини экиш бўйича бошқарма ва ташкилотлар кесимида дастур ишлаб чиқилди.
Шу жумладан, Учқудуқ туманида ҳам 2021 йил куз ва 2022 йил баҳор мавсумларида 1521 минг дона манзарали, мевали дарахт ва буталар кўчатлари ҳамда қаламчаларини экиш режалаштирилган шундан 2021 йил ноябрь декабрь ойларида туманимизда 570 минг дона, 2022 йил баҳор мавсумларида 951 минг дона манзарали, мевали дарахт ва буталар кўчатлари ҳамда қаламчаларини экиш режалаштирилган.
Мазкур режани амалга ошириш бўйича ҳозирги кунда “Яшил майдон” умуммиллий лойиҳаси доирасида тумандаги барча корхона ва ташкилотлар томонидан жами 1 млн. 521 минг та манзарали, мевали дарахт ва буталар кўчатлари ҳамда қаламчаларни экиш ишлари амалга оширилмоқда.
Шу билан бир қаторда тумандаги “Навоий” МФЙ ҳудудидан 1 гектар, “Айтим” МФЙ ҳудудидан 1 гектар бўш турган ер майдонларидан “Яшил майдон” ҳамда “Дўстлик” МФЙ ҳудудидаги “Ёшлар” истироҳат боғидан 3,8 гектар, ва “Хотира боғи” ҳудудидан 2,4 гектар жами 6,2 гектар ер майдонларидан “Жамоат парк”лари ташкил этилади.
Дастурлар, чора-тадбирлар албатта қоғозда жуда ҳам чиройли, салмоқли. Лекин уни амалга оширишда масъуллар ва ҳар бир туманимиз фуқароси фидойилик, ватанпарварлик, шижоат, ўз туманига, яшаётган маҳалласига меҳр-муҳаббат туйғуси билан амалга ошириш даркор.
Кўчаларда юрганимизда кўриб турибмизки, дарахт экиш, яшаб турган жойимизни ободонлаштиришимиз учун туман ташкилот раҳбарлари ва ходимлари жонбозлик ва шахсий намуна кўрсатиш учун аллақачон кўчат экиш ишларини бошлаб юборишди. Бу албатта мақтовга лойиқ. Ўз ўрнида бошқалар ҳам «яшил макон» уммумиллий лойиҳасида ўз ташаббусини кўрсатиши, яшаб ёки ишлаб турган жойини кўкаламзорлаштириб, обод қилиши лозим.
Азиз ва мўътабар оқсоқоллар!
Сиз ҳар бир ишда ёшлар учун ибрат намунаси бўлиб келгансизлар. Бугун ҳам мамлакат бўйлаб давом этаётган “Яшил макон” умуммиллий лойиҳасида ўзингизнинг доно маслаҳатингиз билан аҳолини айниқса, ёшларни яратувчанлик ғояларига ундашда жонбозлик кўрсатасизлар, деб ишонаман!
Албатта, бугун экилган бир дона ниҳол эрта катта дарахтга айлангач, унинг соясидан набираларингиз баҳраманд бўлади, уларнинг олаётган нафаси мусаффолиги таъминланади.
Шу боис ҳам яхши ниятлар билан бошланган бу эзгу ишда Сиз азиз нуронийлар ҳам фаол иштирок этинг, чунки ободлик бор жойда қут-барака, доимий ривожланиш ва келажакка ишонч бўлади.
Қадрли ёшлар!
Бугун сизнинг замонавий билимларни эгаллаб, етук ва баркамол инсонлар бўлиб вояга етишингиз учун барча шарт-шароит ва имкониятлар яратиб берилган.
Ўз навбатида Сиз ҳам ҳурматли Президентимиз томонидан илгари сурилган ташаббус “Яшил макон” умуммиллий лойиҳаси доирасида амалга оширилаётган эзгу ишларда фаол иштирок этишга чақираман!
Шуни унутмайликки, осуда ва фаровон турмуш тарзини четдан келиб бизга ҳеч ким яратиб бермайди. Уни ўзимиз, ўз меҳнатимиз натижасида бунёд этсак, унинг самараси янада тотли бўлади.
Тасаввур қилинг, ҳар бир учқудуқлик ёшлар камида 5 тадан кўчат экса, бу ташаббус 2–3 йилдан сўнг туманимиз яшиллигига, экологиясига қанчалик ижобий таъсир кўрсатади.
Бугун Учқудуқдаги дарахтларнинг аксариятини Сизларнинг ота – боболарингиз парваришлаган. Сиз ҳам яшил челленжга қўшилинг ва хайрли ишга ўз ҳиссангизни қўшинг! “Ҳар бир ёшга – 5 дарахт!” акциясида фаол иштирок этинг.
Ҳурматли уй бекалари, азиз опа-сингиллар!
Мазкур акция ҳар биримиз учун алоҳида аҳамиятга эга. Чунки халқимизнинг яхши ниятлари билан бошлаган бу савобли ишлари эртанги куни ёш авлоднинг саломатлигини мустаҳкамлашда, табиатни асраш ва экологик ҳолатни яхшилашда муҳим аҳамият касб этади.
Афсуски, кўп қаватли уйларда яшовчи опа-сингилларимиз ободончиликка, тозаликка, кўкаламзорлаштириш ишларига эътиборсизлик билан қараб, “Ватан остонадан бошланади”, “Менинг маҳаллам – менинг уйим”, “Маҳалла – Ватаннинг бир бўлаги!” каби минг йиллик тушунчаларни унутиб қўймоқдалар.
Ҳафта ёки бир ойда бир маротаба бўлса ҳам – ота-боболаримиздан қолган удум, анъана – кўчат қадаш, ҳашарлар уюштириш каби эзгу ишлар бир оз оқсаётгандек.
Ўз навбатида Сизни ҳам ҳурматли Президентимиз томонидан илгари сурилган ташаббус - “Яшил макон” умуммиллий лойиҳаси доирасида амалга оширилаётган ишларда фаол иштирок этишга чақираман!
Сиз ҳам яшил челленжга қўшилинг ва хайрли ишга ўз ҳиссангизни қўшинг! “Ҳар бир ёшга – 5 дарахт!” акциясида фаол иштирок этинг.
Бугунги ҳаракатимиз хайрли ва савобли ишларимизнинг бардавомлигига, ёшларимизнинг маънавияти ва тарбияси янада юксак бўлишига, миллий қадриятларимиз ривожига, халқимиз орасида ҳамжиҳатлик туйғулари мустаҳкамланишига пойдевор бўлиб хизмат қилсин!
Азиз учқудуқликлар!
Сиз доим илғорлар қаторида бўлгансиз. Шунинг учун ҳам Сизларга ишончим катта!.
Ўйлайманки, Она табиатимизни асраш, авайлаш ва уни авлодларга соф ҳолда етказиш учун масъул эканлигимизни теран англаган ҳолда ҳар бирингиз кўчат экиш акциясида, «яшил макон» қуриш ҳамда «долзарб 40 кун» кўкаламзорлаштириш умуммиллий лойиҳасида ўз ниҳолингизни қадаб, фаол иштирок этасиз!
Шу билан бир қаторда экилган кўчат ва ниҳолларни униб ўсишида ўз ҳиссангизни қўшасиз!.
Бунга ишонаман азиз учқудуқликлар!
Туман ҳокими С.Хамроевнинг 21 март – Наврўз умумхалқ байрами муносабати билан учқудуқликларга йўллаган табриги
Ассалому алайкум азиз ватандошлар!
Қадрли учқудуқликлар!
Тароватли кунларда табиат уйғониб, жонажон диёримизга барчамиз орзиқиб, соғиниб кутган Наврўзи олам кириб келмоқда.
Минг йиллар давомида маънавий ҳаётимизнинг кўрку зийнати бўлиб келаётган бу ажойиб, хосиятли байрам бугун қалбларимизга яна чексиз қувонч ва завқ бағишламоқда.
Учқудуқнинг жонкуяр, фидойи, меҳнатсевар ҳамда меҳрибон аҳолисини шарқ миллий байрами Наврўз айёми билан чин қалбимдан самимий табриклайман.
Мана шундай файзли, шодиёна айёмда маҳалла ва овуллардаги барча-барча қизилқумликларга юксак ҳурматим ва энг эзгу тилакларимни изҳор этаман. Ҳаётингиз баҳор тонгидек тиниқ, бахтли ва фаровон бўлсин, дейман!
Шарқона Янги йилимиз — Наврўзи оламнинг қадами қутлуғ ва баракали келсин! Мана шу қутлуғ кунда сиз азизларга сиҳат-саломатлик, бахт, омад, оилаларингизга тинчлик-тотувлик, файз ва барака тилайман.
Ҳурматли юртдошлар!
Барчамизга маълумки, Наврўз — янги кун, янги фасл демакдир. Бугун она табиат бағрида янгиланиш ва яшариш фасли бошланмоқда.
Айни шу бетакрор ва дилбар неча юз йиллик анъана ва қадриятларимизни янгитдан кашф этамиз, қандай буюк тарих, қандай буюк маданият ворислари эканимизни яна бир бор англаймиз. Ва бундан қалбларимиз ғурур ва ифтихорга тўлади.
Ҳа, бугун Наврўз тантаналари маҳаллаларда, овулларда ҳам давом этмоқда. Байрам шукуҳи барчани яратиш, яшнатишдек эзгу юмушларга ундайди, албатта.
Шу ўринда байрамни муносиб нишонлашга оид давлатимиз раҳбари томонидан қабул қилинган қарор ҳамда пандемия тақозо этаётган тартибга қатъий риоя этган ҳолда ўтказиш ҳар биримизнинг юксак фуқаролик бурчимиз эканлигини унутмаслигимиз лозим.
Азиз дўстлар!
Сизларни яна бир бор Наврўз байрами билан табриклаб, қалбимдаги энг эзгу тилакларни йўллайман!
Шарқона янги йил, янги деҳқончилик мавсуми барчамиз учун файзли, қут-баракали келсин.
Юртимиз осмони ҳамиша мусаффо, мустақиллигимиз абадий бўлсин!
More...
Туман ҳокими С.Хамроевнинг 8 март – Халқаро хотин-қизлар байрами муносабати билан туман хотин-қизларига йўллаган табриги
Ассалому алайкум азиз онахонлар, опа-сингиллар!
Дилбар қизлар!
Аввало, сизларни, сизларнинг тимсолингизда барча онахонларимиз, опа-сингилларимиз, дилбар қизларимизни латофат ва гўзаллик байрами 8 март — Халқаро хотин-қизлар куни билан туманимиз фаоллари, кенг жамоатчилик номидан самимий муборакбод этаман!
Аёлнинг нафосати ва назокати, вафо ва садоқати, ақл-заковати ва фидойилиги асрлар мобайнида ер юзида ҳаёт давомийлиги ва абадийлигига асос бўлиб келади. Шу боис ҳам дунёдаги энг буюк санъат асарлари, қўшиқ ва қасидалар, меъморий обидалар аёллар шаънига бағишлангандир.
Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.
Азиз ва муҳтарама опа-сингиллар!
Ватанимиз тараққиётида, оила ва жамият ҳаётида хотин-қизлар муҳим ўрин ва мавқега эга. Аёлларимиз мамлакатимизнинг ижтимоий-иқтисодий ва сиёсий ҳаётидаги барча соҳаларда хусусан, давлат бошқаруви ва вакиллик органларида, ишлаб чиқариш, тадбиркорлик, фермерлик, соғлиқни сақлаш, таълим, маърифат, маданият ва бошқа соҳаларда самарали меҳнат қилишмоқда.
Ҳеч кимга сир эмас, аёл зоти ҳақида, унинг қандай тенгсиз латофат ва нафосат соҳибаси, эзгулик ва фидойилик рамзи, хонадонларимизнинг файзу фариштаси экани ҳақида тарихимизда улуғ мутафаккирлар, шоир ва алломалар ўлмас сатрлар битганлар.
Бу ҳақда гапирганда, аввало, буюк шоир, аллома Мир Алишер Навоий ҳазратларининг "Жаннат оналарнинг оёғи остидадир" деган ҳикматли сўзларини яна бир бор эслаймиз ва меҳрибон, муқаддас Она сиймоси олдида барчамиз бош эгиб таъзим қиламиз.
Ҳурматли Президентимиз Шавкат Миромонивич Мирзиёевнинг: "Сиз, ҳурматли аёлларимиз ўзингизнинг оналик меҳрингиз, ҳаётий билим ва тажрибангиз билан фарзандларимизни турли хавф-хатарлардан асрашда, уларни мустаҳкам иродали, маънавий-интеллектуал жиҳатдан етук, жонажон Ватанимизга садоқатли инсонлар этиб тарбиялашда бундан буён ҳам куч-ғайратингизни аямайсиз, деб ишонаман. Айниқса, қиз болаларни ҳаётга тайёрлаш, уларни замонавий билимлар, касб-ҳунарларга ўргатишда биз аввало сизларга суянамиз" деган сўзлари ҳар жиҳатдан ибратлидир.
Қадрли опа-сингиллар!
Юртимизда хотин-қизларни ҳар томонлама қўллаб-қувватлаш, оналик ва болаликни муҳофаза қилиш, оила мустаҳкамлигини таъминлаш давлат сиёсати даражасида эканлиги билан ҳар қанча фахрлансак арзийди.
Ҳурматли Президентимиз томонидан: "Олий маълумотли бўлишни истаган, қобилияти, билими бор, лекин тақдир тақозоси билан орзусига эриша олмаган хотин-қизларни рағбатлантириш тизими жорий қилинади. Яъни, ота-онасининг биридан айрилган муҳтож қизлар, боқувчиси йўқ ёлғиз аёлларнинг шартнома тўлови ҳокимлик ва олий ўқув юрти ҳисобидан қоплаб берилади, – дея таъкидланди.
Бунда ҳар бир вилоят ҳокими маҳаллий бюджет ҳисобидан 100 нафар, ҳар бир олийгоҳ эса 30-50 нафардан хотин-қизларимизнинг ўқув контракт́ини тўлаб беришга масъул бўлади. Шунингдек, йил якунига қадар қарийб, 9 миллион хотин-қизларни чуқурлаштирилган тиббий кўрикдан ўтказишни ҳамда касаллик аниқланганларни соғломлаштириш чоралари кўрилади. Мамлакатимизда боқувчисини йўқотган 37 минг нафар, ногиронлиги бўлган 26 минг нафар ва ўзгалар парваришига муҳтож хотин-қизларга бир марталик моддий ёрдам ажратилади.
Жумладан, Учқудуқ туманида ҳам хотин-қизларларни ҳар томонлама қўллаб-қувватлаш, оилалар мустаҳкамлигига эътибор бериш, уларни касб-ҳунарга ўқитиш, бандлигини таъминлаш ишларига алоҳида эътибор қаратилмоқда.
Айтиш жоизки, йил бошидан буён 138 нафар хотин-қизлар доимий иш билан таъминланган. Туман маркази ва энг олис ҳудудларида ўнлаб гўзаллик салонлари, тикувчилик цехлари ташкил этилди. Уларда 53 нафар хотин-қизлар бандлиги таъминланди.
“Ўзбекистон Республикасининг хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Қонунининг қабул қилиниши, хотин-қизларнинг ижтимоий ҳаётдаги фаоллигини оширишга, оилада ва жамиятда гендер тенглигини таъминлашга қаратилгани билан ҳам аҳамиятлидир.
Дарҳақиқат, ватанимиз тараққиётида, оила ва жамият ҳаётида хотин-қизлар муҳим ўрин ва мавқега эга. Бугунги кунда туманимизнинг иқтисодиётида жами иш билан банд аҳолининг 48 фоизини хотин-қизлар ташкил этаётгани, Халқ депутатлари туман Кенгашига сайланган 25 нафар депутатнинг 10 нафари ёки 40% аёллардан иборат эканлиги, 80 тадан ортиқ корхона-ташкилотларнинг қарийб 50 фоизида аёллар раҳбарлик лавозимини эгаллаётгани улар барча соҳаларда самарали меҳнат қилаётганидан далолатдир.
Яна бир муҳим жиҳат, “Мўътабар аёл” кўкрак нишонига Учқудуқ туман касб-ҳунар мактаби рус тили фани ўқитувчиси Камолова Мубина Бахшуллаевнанинг муносиб кўрилгани барча учқудуқлик опа-сингилларимизни беҳад қувонтирди.
Мубина Бахшуллаевнани юксак эътироф билан самимий муборакбод этамиз!
Ҳурматли онахонлар, опа-сингиллар, мунис қизлар!
Баҳорнинг илк байрами муносабати билан туманимизнинг дилбар, фидойи ва меҳрибон хотин-қизларига шуни алоҳида таъкидламоқчиманки, Сиз ҳар жабҳада илғор, ташаббускор, ибратлисиз.
Барчангизни яна бир бор Халқаро хотин-қизлар байрами билан чин қалбимдан табриклайман. Сизларга оилавий хотиржамлик, хонадонларингизга тинчлик, файзу барака тилайман.
Доимо яқинларингиз, халқимиз, Ватанимизнинг юксак меҳри ва ардоғида бўлиш ҳаммангизга насиб этсин! Ҳамиша соғ-саломат бўлинг, азиз аёллар!
Эътиборларингиз учун рахмат!
