2022 йил давомида Халқ депутатлари туман Кенгаши доимий комиссиялари томонидан 60 та комиссиялар йиғилишлари ўтказилган бўлиб, уларда кўриб чиқилган масалаларнинг 53 таси халқ депутатлари туман Кенгаши сессиялари кун тартибига киритилган.

Жумладан:

Комиссия раиси: Ҳикматов Олим Акмалович-маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссиясида 14 та масала муҳокама этилиб, шундан 13 та масала туман Кенгаши сессиялари кун тартибига киритилган.

Комиссия раиси:Нажмиддинова Нафиса Зайниддиновна-суд-ҳуқуқ масалалари ва коррупцияга қарши курашиш бўйича доимий комиссиясида
9 та жумладан; ҳуқуқни муҳофаза қилиш органлари раҳбарлари, Ўзбекистон Республикаси Президенти халқ қабулхонасининг туман бўлимларининг масалалари муҳокама этилиб, шундан 8 та масала туман Кенгаши сессиялари кун тартибига киритилган.

Комиссия раиси:Сайфидинов Севдиёр Ярашевич-таълим, соғлиқни сақлаш, маданият, спорт ва ижтимоий ҳимоя масалалари бўйича доимий комиссиясида 14 та масалалар шундан туман тиббиёт бирлашмаси, туман халқ таълим бўлими, “Маҳалла” хайрия жамоат фонди туман бўлинмаси ҳузуридаги “Саховат ва кўмак” жамғармалари раҳбарларининг масалалари  муҳокама этилиб, барчаси туман Кенгаши сессиялари кун тартибига киритилган.

Комиссия раиси:Камолова Мубина Бахшуллаевна-ёшлар сиёсати, хотин-қизлар ва гендер тенглик масалалари бўйича доимий комиссиясида 11 та масалалар муҳокама этилиб, шундан, “Аёллар дафтари”га киритилган хотин-қизларга бир марталик моддий ёрдам ажратиш ҳамда дафтарга киритилган хотин-қизларнинг бандлигини таъминлаш билан боғлиқ бўлган масалаларнинг барчаси туман Кенгаши сессиялари кун тартибига киритилган.

Комиссия раиси:Абдикаримов Молдабек Сахиевич-саноат, транспорт, қурилиш, коммунал соҳа ва аҳолига хизмат кўрсатиш масалалари бўйича доимий комиссиясида 4 та масалалар шулардан, туманда “Ўзбекистон Респудликаси Президентининг кўп квартирали уй-жойларни бошқариш тизимини такомиллаштириш тўғрисидаги ПҚ-5152—сонли қарорига кўра уй-жой компаниясини бошқариш тизими олиб бориш тўғрисида”ги, Учқудуқ туман аҳолисини тоза ичимлмк суви тармоғини яхшилаш мақсадида туманда амалга оширилган ишлар тўғрисидаги масалалар муҳокама этилиб, барчаси туман Кенгаши сессиялари кун тартибига киритилган.

Комиссия раиси:Нарчаев Кенес Садиевич-аграр, сув хўжалиги масалалари ва экология бўйича доимий комиссиясида 5 та, масала муҳокама этилиб, шундан 3 та масала шундан “Яшил макон” тадбирлари доирасида амалга оширилган ишлар тўғрисидаги масалалар туман Кенгаши сессиялари кун тартибига киритилган.

Комиссия раиси:Қодирова Райхон Уразовна-ахборот сиёсати ва маҳаллий давлат органларида очиқликни таъминлаш масалалари бўйича доимий комиссиясида 3 та масалалар шундан Ўзбекистон Республикаси давлат ҳокимияти ва бошқарув органлари фаолияти очиқлиги тўғрисидаги Қонуннинг Учқудуқ туман халқ таълим бўлимидаги ижроси, Учқудуқ туман тиббиёт бирлашмаси томонидан Ўзбекистон Республикаси Президентининг 2021 йил 16 июлдаги “Давлат органлари ва ташкилотлар фаолияти очиқлигини таъминлаш, шунингдек жамоатчилик назоратини самарали амалга ошириш доирасида ПФ-6247-сон Фармон ижросини таъминлаш масалалари тўғрисида”, Учқудуқ саноат техникуми ва Учқудуқ касб-ҳунар мактаби билан бирга “Интернет тармоғидан самарали фойдаланиш давр талаби” каби масалалар муҳокама этилган.

Комиссия раиси:Эргашова Озода Хонтемировна-регламент ва депутатлик одоби масалалари бўйича доимий комиссиясида 1 маротаба  “Давлат идораларидаги ижронинг сифатини ва ҳолатини ўрганиш ва муҳокама қилиш тўғрисида”ги масала юзасидан комиссия йиғилиши ўтказилган.

Халқ депутатлари Учқудуқ туман Кенгаши котибияти.

2022 йил давомида туман Кенгаши томонидан 19 та сессиялар ўтказилган бўлиб, уларда 140 та масала кўрилган.

Туман ҳокими ўринбосарлари 14 маротаба;

туман ҳуқуқни муҳофаза қилувчи орган раҳбарлари 7 маротаба;

туман тиббиёт бирлашмаси 4 мартаба;

туман молия бўлими 2 маротаба;

туман халқ таълими бўлими 1 маротаба;

туман санитария-эпидимиологик осойишталик ва жамоат саломатлиги бўлими 2 маротаба ва бошқа корхона ва ташкилотлар раҳбарларининг жами 51 та ахборот ва 47 маротаба ҳисоботлари эшитилди.

Жорий йилда туман ҳокимининг 3 фармойиши ва 1 та қарори тасдиқланди.

2022 йил давомида туман Кенгаши томонидан 140 та қарор қабул қилиниб, қарорлар эхат почта тизими орқали тегишли корхона ва ташкилотларга юборилди.

Халқ депутатлари Учқудуқ туман Кенгаши котибияти.

Учқудуқ туманида 25 сайлов округларидан 25 нафар Халқ депутатлари сайланган бўлиб, бугунги кунда 25 нафар депутат ўз фаолиятини олиб бормоқда.

Шундан 2 нафар депутат ўз аризасига биноан депутатлик ваколатидан озод этилган. 1-“Алтинтау” ва 4-“Ёшлар” сайлов округларида сайлов ўтказилиб, бўшаб қолган депутатлик ўрнига 2 нафар депутатлар сайланган.

2022 йил давомида туман Кенгаши томонидан 19 та сессиялар ўтказилган бўлиб, уларда 140 та масала кўрилган. Корхона ва ташкилотлар раҳбарларининг жумладан: туман ҳокими ўринбосарлари, туман Халқ қабулхонаси, туман прокурори, туман ички ишлар бўлими, туман тиббиёт бирлашмаси, туман молия бўлими, туман тижорат банклари, туман халқ таълими бўлими, туман санитария-эпидимиологик осойишталик ва жамоат саломатлиги бўлими раҳбарларининг ахборот ва ҳисоботлари эшитилди.

Туман Кенгаши депутатлари томонидан 24 та янги қабул қилинган Қонун юзасидан маҳаллаларда, меҳнат жамоалари ўртасида, таълим ва соғлиқни сақлаш муассасаларида тарғибот ишлари олиб борилди.

2022 йил давомида туман Кенгаши томонидан 140 та қарор қабул қилиниб, қарорлар эхат почта тизими орқали корхона ва ташкилотларга юборилди.

Халқ депутатлари Учқудуқ туман Кенгаши депутатлари 2022 йил давомида 220 та тарғибот, учрашув ва 69 та сайёр қабулларда 610 та тадбирларда иштирок этди.

Учрашувлар жараёнида аниқланган 410 та муаммоларнинг 335 таси жойида ижобий ҳал этилиб, 75 тасига тушунтириш берилди. Депутатлар томонидан “Уйма-уй” лойиҳаси доирасида 459 нафар фуқароларнинг оғзаки ва ёзма мурожаатлари қабул қилинди.

Туманда депутатлар томонидан “Депутат ва ёшлар” учрашувлари ўтказилиб, ёшлар томонидан кўтарилган масалалар, жумладан, кўчаларни асфальт қилиш, тунги ёритиш чироқлари ўрнатиш, ишсизлик, кредит масалаларидаги муаммолар бўйича тегишли корхона ва ташкилотларга 79 та депутат сўрови юборилди. Депутат сўровларининг барчасига жавоб хати олинди.

Жорий йил давомида оммавий ахборот воситаларида, ижтимоий тармоқларда Халқ депутатлари туман Кенгаши томонидан ўтказилган учрашувлар, тарғиботлар ва давра суҳбатлари туман ҳокимлигининг Facebook саҳифасида ҳамда “UCHQUDUQ” газетасида доимий ёритиб борилди. Жумладан, “UCHQUDUQ” газетасида 19 маротаба, телерадиода 5 маротаба, ижтимоий тармоқларда 359 маротаба жами оммавий ахборот воситаларида 302 маротаба ёритилди.

Туман Кенгаши депутатлари “Ўзбекистон Республикаси Конституциясига қўшимча ва ўзгартиришлар киритиш тўғрисида” Қонуни лойиҳаси бўйича аҳоли ўртасида Янги Ўзбекистоннинг тараққиёт стрататегиясида белгиланган кенг кўламли вазифалар, халқпарвар давлатни барпо этиш, инсон ҳуқуқ ва манфаатлари, қадр-қимматини янада самарали таъминлашга хизмат қилиши тўғрисида, лойиҳага киритилган ўзгаришлар ва янги таклифлар юзасидан тумандаги барча корхона ва ташкилотларда  тарғибот ҳамда давра суҳбатлар ўтказилди.

Ўзбекистон Республикаси Президентининг 2022 йил 25 октябрдаги ПҚ-408-сонли қарори 10.1-бандида берилган топшириқлар ижросини назорат қилиш борасида ноябрь ва декабрь ойларида Халқ депутатлари туман Кенгаши котибиятида сектор раҳбарлари, ҳамда тегишли масъулларнинг ҳисоботлари тингланди.

Дастур доирасида Учқудуқ туманида 7 та маҳаллалар ҳудудида 7 та лойиҳаларни амалга оширилиши белгиланган.

7 та лойиҳанинг смета ҳужатларини ишлаб чиқилиб, экспертизадан ўтказилиб лойиҳачини аниқлаш бўйича эълон берилди.

 4 та ички йўллар, 1 та ичимлик суви ва оқова сув таъминоти, 2 та электр таъминоти объектлар.

Айни дамда 7 та лойиҳа (ёки 100%) бўйича лойиҳа ташкилотлари аниқланган.

7 та лойиҳа бўйича лойиҳа-смета ҳужжатлари ишлаб чиқилиб, ҳужжатлари экспертизадан ўтказилган.

7 та лойиҳа бўйича шартномалар тузилиб, қурилиш-таъмирлаш ишларини бошланган.

Жумладан, 4 та ички йўллар, 1 та ичимлик суви ва оқова сув таъминоти объектлари, 2 та электр таъминоти объектлар қурилиш таъмирлаш ишлари олиб борилмоқда.

Назорат тизими юзасидан туман ҳокими ўринбосарлари, сектор раҳбарлари, тегишли ташкилотлар раҳбарларидан иборат масъуллар
7 та маҳаллаларга бириктирилди.

Сектор раҳбарлари, бириктирилган масъул раҳбарлар билан биргаликда ҳар ҳафта жойларга чиққан ҳолда маҳалларда амалга оширилаётган ишлар ўз вақтида ва самарали ташкил қилиниши назоратга олинган.

 Халқ депутатлари Учқудуқ туман Кенгаши котибияти

Ўзбекистон Республикаси Вазирлар Маҳкамасининг 2022 йил
31 мартдаги “Хотин-қизлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги 145-сонли қарорига асосан Учқудуқ туманида “Аёллар дафтари” рўйхатига киритилган хотин-қизларнинг муаммоларини ҳал этиш бўйича ҳозирги кунда жами
20 512 нафар аёллар баланси шакллантирилди ва платформага киритилган бўлиб “Аёллар дафтари” рўйхатига 286 нафар эҳтиёжманд хотин-қизлар рўйхатга олинган. “Аёллар дафтари”нинг 6 та тоифаси бўйича йиғма жилдлар шакллантирилган, асословчи хужжатлар тикилган.
1-тоифа – Ижтимоий ҳимояга муҳтож ишсиз хотин-қизлар - 45 нафар
2-тоифа – Тадбиркорлик қилиш истагида бўлган эҳтиёжманд хотин-қизлар - 27 нафар
3-тоифа – Боқувчиси бўлмаган эҳтиёжманд хотин-қизлар - 125 нафар
4-тоифа –Ижтимоий ёрдамга муҳтож I ва II гуруҳ ногиронлиги бўлган, шунингдек, тезкор тиббий муолажага муҳтож эҳтиёжманд хотин-қизлар - 53 нафар
6-тоифа - Қарамоғида ногиронлиги бўлган фарзанди бор эҳтиёжманд хотин-қизлар - 36 нафар

1-тоифа – Ижтимоий ҳимояга муҳтож ишсиз хотин-қизлар -
45 нафарининг ҳам бандлиги таъминланди: 27 нафари доимий ишга жойлаштирилди, 18 нафарига субсидия асосида меҳнат қуроллари олиб берилди ва ўзини ўзи банд қилди.

2-тоифа – Тадбиркорлик қилиш истагида бўлган эҳтиёжманд хотин-қизлар - 27 нафаридан 10 нафарига 419 800 000 сўмлик кредитлар олиб берилди, 16 нафарига субсидиялар ажратилиб, керакли асбоб ускуналар олиб берилди, 1 нафари доимий ишга жойлаштирилди.

“Аёллар дафтари” рўйхатида турувчи 286 нафардан 259 нафар хотин-қизларнинг барчасига “Аёллар дафтари” жамғармасидан 225 000 000 ва “Саховат ва кўмак” жамғармаси маблағлари ҳисобидан 107 300 000 сўм миқдордаги бир марталик моддий ёрдамлар берилди.

30 нафар хотин-қизларга тикувчилик , сартарошлик ва миллий пишириқлар пишириб ўзини банд қилиши учун жами 174 400 000 сўмлик
10 турдаги меҳнат қуроллари субсидия асосида сотиб олиб берилди

228 нафар аёллар чуқурлаштирилган тиббий кўрикдан ўтказилди.
11 нафар хотин-қизларга ўзлари ёки фарзандларининг даволанишлари учун жами 74 480 000 сўм маблағ ажратилишига кўмаклашилди
18 нафар хотин-қизларга 43 000 000 сўмлик дори-дармон воситалари сотиб олиб берилди
3 нафар фуқаронинг фарзандларини даволатиш учун Тошкент шаҳрига бориб келишлари учун жами 2 076 000 сўм маблағ ажратилди.

7 нафар эҳтиёжманд хотин-қизлар Жумамуратова Зуҳра, Даулибаева Орнай, Абдуллаева Ҳилола, Жусипахметова Бекзада, Утебаева Кунсулу, Имомова Элмира, Тошниёзова Ҳикматойларнинг уйларини таъмирлаш учун жами 61 502 800 маблағ ажратилди.
50 нафар хотин-қизларни Хива шаҳрига саёҳатга юбориш учун 30 900 000 сўм маблағ ажратилди.
Бир нафар фуқаронинг ОТМда таҳсил олувчи фарзанди учун 4 500 000 сўм миқдорда тўлов контракт пули тўлаб берилди
Турли хил маънавий-маърифий ва спорт тадбирлари учун жами 37 000 000 сўм маблағ ажаратилди
“Аёллар дафтари”га киритилган 286 нафар хотин-қизларга қўшимча равишда қуйидаги амалий ёрдамлар кўрсатилган.
Хусусан, 6 нафарига асбоб, ускуна ва меҳнат қуролларини харид қилиш учун субсидиялар ажратилган, 70 нафар хотин-қизлар саёҳатларга жалб этилган, “Аёллар дафтари”га киритилган хотин-қизларнинг 70 нафар фарзандларига мактаб формаси сотиб олиб берилди, 196 нафари маданий-маърифий, спорт ва бошқа тадбирларга жалб этилган, 12 нафар хотин-қизларга турли жамғармалардан субсидиялар ажратиб берилган.
Қўшимча ёрдам сифатида аёллар дафтарига киритилган хотин-қизларимизга тиббий, ҳуқуқий ва психологик ёрдам кўрсатиб келинмоқда.
Хулоса қилиб айтганда, 3-босқич “Аёллар дафтари”га киритилган фуқароларнинг барчасига режадаги индивидуал дастур ҳамда йўл харитасида белгиланган ва қўшимча ёрдамлар кўрсатилди. 2 нафар фуқаро вафот этди, вафот этгунга қадар тегишли ёрдам кўрсатилди.
“Аёллар дафтари” жамғармаси ҳисобидан 2022 йил 1 январь ҳолатига қолдиқ 196 миллионни ташкил этган бўлса, 2022 йил давомида жамғармага 661 миллион сўм кирим қилинди, йил якунига келиб ушбу маблағларидан жами 622 358 800 сўм маблағ сарфланди , ҳозирги кунда жамғармада 234 миллион сўм маблағ қолди.

Нафиса НАЖМИДДИНОВА,
Учқудуқ туман ҳокими ўринсабори,
оила ва хотин-қизлар бўлими бошлиғи